يا نخيل الحسا ياللي غذتك العيون=صافيٍ(ن)مادخل بك سوس شين أحمرا
كن ريش السعف عذرا تهز القرون=وكن ذايب عذوقك عقدها المشترا
وكن شامخ جذوعك عودها بالزيون=صدر زامي وراسٍ(ن)منتجه سكرا
الفوارق بسيطة بالقسا والليون=ريشك أخضر وشعر الفاتنه أشقرا
يانخيل الحسا جئيتك لخيرك زبون=من شرا ما يبيع ومن منع ماشرا
تمر الأحسا نقي والزين دايم يمون=من رغب مايرده عن مراده زرا
النحل والنخل للمشتري ما تهون=وأطيب الطيب رشة عود مع عنبرا
يانخيل الحسا من كل لونٍ(ن)ولون=دام خيرك وعزك دوم فوق الثرا
ترتوي من عيون وفيك بهجة عيون=واحةٍ(ن)رائعة بالخير والمنظرا