مات الرسول ومات ياخـي عزيزيـن=وشلـون ماتبغـي يمـوت الرياحـي
ياخـوك لا تركـي علـي السكاكيـن=امكن مـن التاثيـر تسمـع نياحـي
لـو البكـى ياخـوك بيـرد غاليـن=بكيتهم فـي كـل عصـر وصباحـي
والموت ينقى فـي الرجـال الوفييـن=وراع الردى في الموت صعب المطاحي
وياسرع بين الناس ما تسمع الشيـن=والطيب علمه قاعـدا فـي المراحـي
وياكم رجلً ماارمشـت لجلـه العيـن=وياكم رجـلً لاجلـه الدمـع باحـي
وابو بدر بيـن البشـر منزلـه ويـن=امجـاد شعـره ماتجـي بالسلاحـي
حصناً على ربعه كمـا سـور بكيـن=ويـذوق العـدوان سمـاً ذحـاحـي
بالشعر والماقـف يجيـب البراهيـن=وماهو من اهل الفبركـه والصياحـي
يالله عسى قبـره فيـاض وبساتيـن=ويالله عسـى ذنبـه قليـل ومباحـي

ودي اكتب كيف وافكاري شريده=ودي ابدا بالكـلام وبالقصيـد
ما عرفت اشلون اببدا بالقصيدةب=عد ما نبضي تسارع بالوريـد
ساعديني يا هجوسي يالعنيـدة=ساعديني باختصـار وبالمفيـد
واطلبك يا اللي جميع الامر بيده=يا اله ٍ من لفـا قربـك سعيـد
ترحم اللي مات ما نقدر نعيـده=وانزله يا ربنـا منـزل شهيـد
يا فقيد الشعر وينك يـا فقيـده=يا فقيد الشعر وابيات النشيـد
أمس يطربنا بصوته من نشيده=وقبل ساعة راح ودًّعنـا بعيـد
ليت عمرك طال وايامك مديـده=ليت لكن ليت عقبك مـا تفيـد
مات راع الجود واخلاق ٍ حميده=انثري يا عين دمعك من جديـد
ضاقت اقلوب ٍ قبل كانت سعيده=ولان قلب الشعر لو قلبه حديـد
وافتح العملاق واسمع في نهيده=بعدك العملاق يا فيصل وحيـد
العزا في مثل ابو بدر الفقيـده=ان شعره ما نقص دايـم يزيـد
اطلب الله يرحمه راحم عبيـده=كل ما نطلب وكل اللـي نريـد