هاض القصيد وجرت الصوت ورقا=قامت تجر لحونها من طربها
هاج الحمامة صوت شيخٍ لبرقا=نست على شأنه مواطن عربها
والشعر لا من زان معنى وطرقا=قلوب العذارى بالتغني سلبها
عذب القصايد يسرق الروح سرقا=أهل الهوى يتلف جنونه عصبها
يشكون مثلي من مواجع وحرقا=وقلوبهم للحب محدٍ(ن)غصبها
يأهل الهوى غربٍ وشامٍ وشرقا=مواجعي نظم القصايد سببها
نظمتها يوم الهوى فوق يرقا=للي صعيبة فوق منهو طلبها
واليوم حالي غير من بعد فرقا=اللي قصيدي بالمشاعر كتبها
كن المياسم فوق كبدي تعرقا=والنار تشعل من ضلوعي حطبها
محاجري من سافح الدمع غرقا=من حرقتي عيني تخايط هدبها
أنوح وعروقي من الدم شرقا=كنه غلي في نار يحرق لهبها