حبيبي عيوني رمشها من سنين يرف=متى يا حبيبي تكحل بشوفتك عيني
ذبحني حنين الشوق عقب لجسمي نحف=ونار الهوى في داخل القلب تكويني
من الحب عقلي بعد ثقل ورزانة خف=على طيفكم مع كل فكرة يوديني
هواكم لقلبي مثل كهرب لدقة سلف=ليا لفه التفكير بيح مكانيني
نحرني غرامك دم قلبي بعد ما جف=نزيف الهوى غرق جميع الشراييني
نسف حبكم كل العذارى بقلبي نسف=ولا باقي إلا أنت يا كامل الزيني
ليا زارني طيفك يسبب لقلبي رجف=تشب المشاعر نارها بالضلاعيني
تصبرت لين الصبر صابه كمايه ضعف=بعد حالت الأحوال ما بينك وبيني
اسوق العمر قدام والحظ يرجع بعمري خلف=لك الله مدري وين حظي بيرميني
على النار وإلا بجنتك يا غضي الطرف=على كل حال الحب بالروح باليني
ما دام الهوى تستاهله يالغضي الترف=بصارع هواكم لين في يوم يفنيني
على قولهم مليوع يصفق بكف لكف=عسى الله على بلوى المواجع يقويني
ظروف الزمان الشين قشرا ولا تندف=وبُعد المسافة زادت البلة بطيني
يا عل الليالي بعد قفت بخير تلف=تقرب حبيبٍ(ن)ناد وأجيه ويجيني
حبيبي عيوني رمشها من سنين يرف=متى يا حبيبي تكحل بشوفتك عيني

اسوق العمر قدام والحظ يرجع بعمري خلف
لـك الله مـدري ويـن حظـي بيرمينـي
على النار وإلا بجنتك ياغضي الطـرف
على كـل حـال الحـب بالـروح بالينـي
ما دام الهوى تستاهلـه يالغضـي التـرف
بصارع هواكـم ليـن فـي يـوم يفنينـي

الأستاذ بن هليل / جمال ينسكب على ضفاف القوافل
صح نبضك واطال الله في عمرك