ودك وأنا ودي وعز التلاقي=أقدارنا وظروفنا عاندتنا
بعد الوصال يلوح برق الفراقي=حلو الليال السابقة جاحدتنا
ما كنها حست بلوع إشتياقي=كل ما دنينا للهنا باعدتنا
من فعلهن الفكر والصدر ضاقي=باقت مواعيدٍ(ن)قبل واعدتنا
من يومهن البال ما عاد راقي=تبخرت أحلامنا م أسعدتنا
ما عاد باقي للأمل فيك باقي=يا فاتني أيامنا قيدتنا
تباعدت أقدامنا بالسباقي=على الحياض النايدة وردتنا
أسقتك منها شربةٍ(ن)ما تذاقي=وأسقتني العلقم بعد حيدتنا
نشكي مواجيعك تقل ما تطاقي=وأشكي جروحٍ(ن)بالحشا بيدتنا
أرواحنا على التباعد تساقي=وأحلامنا على الأمل عودتنا
بين الرجا واليأس حاصل عناقي=إثنينهم يا غايتي عاهدتنا
ودك وأنا ودي وعز التلاقي=أقدارنا وظروفنا عاندتنا