قالت إسمع بالخبر جالي اليومه عريس=مادرت هذا الخبر كان لي أسوا خبر
والوعد ما بيننا للقا ليل الخميس=حينها حسيت قلبي بصدري إنفجر
مادرت هذا الخبر كان لي مثل الكبيس=وذبحت في داخلي حلم عمر(ن)منتظر
بعد ما حرقتني مثل تحريق الحميس=جايني بتعس خبر مر في دنيا البشر
قلت بالله وش لقيتي زياده بالتعيس=قالت أسكت ذا نصيبي مدبره القدر
خائفه للعمر يمضي ولا عندي ونيس=بتستر وأتريح مثل باق البشر
قلت له مبروك وأنا من الصدمة أديس=حينها حسيت حلمي على طول إنتحر
بس يا خوفي تكوني وقعتي في فليس=ما يقدر قيمتك ثم تلقين القهر
كل شي كنت أحسبه وأخطط له وقيس=ضاع مني يوم قلتي دفع بعض المهر
شوف حالي كيف صاير مثل قشع(ن)يبيس=ما تبا تثمر غصونه ولو صرت المطر
مات حبي مات عشقي ذبحته يا عكيس=كيف هنت وهان حب(ن)تعرفه من دهر
من زمان أدري بحظي معك حظ(ن) نحيس=كل ما قلت إنتصر عاد خائب منتصر
أحد حظه بالأصائل وأحد حظه بسيس=هذي الأرزاق ما دونها والله مفر
الأسد ما نخبره صار بالدنيا كديس(1)=الأسد منه الخطر والقطو مابه خطر
بالسلامة روح غرك وزين لك بليس=من بعدكم بالهوى صار لي وجهة نظر

المشاركة الأصلية كتبت بواسطة كامل الأوصاف (المشاركة 23337) قصيدة روعة لك كل التقدير