القلب من دونك ضايق وريده = فاقد ضيا البدر يابدر الازمان
غياب نورك نار جوفه وقيده = تساقطت من حرها كل الاغصان
ياوردة الخافق وطبه وسيده = ياناعس العينين ياعود ريان
دامس ظلام الليل شمعك يبيده = يابلسم المجروح يابؤر الاعيان
جرح الفواد البعد عنك يزيده = يافل يانرجس ياجوري ياريحان
ليا أشرقت شمسك روحي سعيده = شروق شمسك يعشقه كل بستان
شوفك لدى الخفاق غيثه وعيده = ياجوهره منزالها روح الابدان
غروب زولك يالغضي مانريده = يامن ملك الروح ياغالي أثمان
الفكر من دونك بناته بليده = والعين هلت دمعها فوق الاجفان
القلب حزنه جوَد اليوم قيده = قيد ذلول الروح ما بين الاحزان
متى القمر يطلع ياروح القصيده = يامسك ياعنبر يالؤلو يامرجان
القلب من بعدك حياته نكيده = غيم عليه الحزن ياعذب الالحان
رحماك اللي كلبونا عبيده = غفراك يارب المخاليق والجان
يالله تبعد من يريد المكيده = وتقوي الاسلام في كل الاوطان

المشاركة الأصلية كتبت بواسطة ابن عميش (المشاركة 119743) صح لسانك وبيض الله وجهك يالذيب لقد ابدعت وتميزت لك التحيه والتقدير

المشاركة الأصلية كتبت بواسطة ذياب بن غانم (المشاركة 119744) الذيب صح لسانك احسنت تقبل التحية

المشاركة الأصلية كتبت بواسطة الرقيب (المشاركة 119745) صح لسانك واعتلا شانك ابدعت لا هنت

المشاركة الأصلية كتبت بواسطة أسد العرب (المشاركة 119746) صح لسانك يالذيب تقبل مروري

المشاركة الأصلية كتبت بواسطة الحر الأشقر (المشاركة 119747) الذيب صح لسانك مدد رائعة

المشاركة الأصلية كتبت بواسطة عساف الأصائل (المشاركة 119748) يعطيك الف عافية صح لسانك لك التقدير

المشاركة الأصلية كتبت بواسطة أبو ناصر (المشاركة 119754) صحّ لسانك يالذيب وافية ومن راس وافي تقبل تواضع مروري