مالوم عين من المفارق سهيره = لن المفارق شين حلاَل الاعمار
القلب من جوره فاقد عبيره = مانام ساعه تشتعل داخله نار
مالوم قلب دموع عينه غزيره = دام البحر غدار والوقت دوار
حتى حلاة العمر صارت مريره = مسافره من دارها لدار الامرار
بسباب بعد اللي جفونه منيره = سنا جفونه كنها بدر الاقمار
حتى عيون الروح صارت ضريره = من يوم ماغادر منى كل الانظار
جنحان طير الحب عقبه كسيره = ياليت طار الطير قبل الذي صار
ذبلت ورود الحب كانت كبيره = وماتت غصونه من سبب قل الامطار
حتى شرايين الفواد الوفيره = نضبت مخازنها من عطر الازهار
الروح من سود الليالي آسيره = والسد مانع عنَها عذب الانهار
الفكر سجاته في كل ديره = بسباب فرقا قطَعت كل الاوتار
كل(ن) يبا وبل المزون الغزيره = من شان منها تزهر غصون الاشجار
مالوم عين من المفارق سهيره = لن المفارق شين حلاَل الاعمار

المشاركة الأصلية كتبت بواسطة ابن عميش (المشاركة 128414) صح لسانك يالذيب على هذه القصيده الرائعه لك التحيه والتقدير

المشاركة الأصلية كتبت بواسطة الحر الأشقر (المشاركة 128415) صح لسانك واعتلا شانك تقبل التحية

المشاركة الأصلية كتبت بواسطة القنـــــاص (المشاركة 128417) صح لسانك قصيدة رائعة لا هنت تقبل التحية

المشاركة الأصلية كتبت بواسطة دليل القوافــل (المشاركة 128422) الذيب صح لسانك قصيدة وافية لا هنت

المشاركة الأصلية كتبت بواسطة أسد العرب (المشاركة 128431) صح لسانك قصيدة وافية لا هنت