أزرق البحر في عين كحلا=حطم شراع قلبي مايجه
يا أزرق الموج في عين الغلا=موجك لنبض قلبي خالجه
ساحل القلب غيض وإمتلا=ضيع بموجتك مناهجه
عاصف الشوق هبه وإعتلا=يا محطم فؤادي عالجه
قبل يوم القيامة تسألا=باب قلبي فقد مزالجه
ما قدر للتصدي وإبتلا=راح بالبحر وأخذه هايجه
صرت ماني بذاك الأولا=من يقابل لموجك فالجه
كيف أسوي بمرٍ(ن)مع حلا=البحر فيه كله مازجه
في عيونٍ(ن)سهمها منزلا=رمشها بالمكاحل داعجه
وكيف أسلي لشوقٍ(ن)ما سلا=في فؤادٍ(ن)عرج به عارجه
كل ما قلت يسكن هللا=وإمتطى بالهوى معارجه
الهوى هد حيلي حلحلا=باينه بالوجن مداهجه
يا أزرق الموج ياللي مرسلا=من بلي بك دخيلك خارجه
عالي النبض قلبي زلزلا=بعد موجك غطى للبارجه
ضج كوني بنبضي كيف لا!=المشاعر بكوني رايجه
الحقيقة هلا والفٍ(ن)هلا=وأحمر الشوق ربي فارجه
يأزرق البحر في عين كحلا=حطم شراع قلبي مايجه

المشاركة الأصلية كتبت بواسطة عبير الشوق (المشاركة 166232) كيف أسوي بمرٍ(ن)مع حـلا البحـر فيـه كلـه مازجـه في عيونٍ(ن)سهمها منـزلا رمشها بالمكاحـل داعجـه وكيف أسلي لشوقٍ(ن)ما سلا في فؤادٍ(ن)عرج به عارجـه حروف جميلة وكلمات ساحرة وتعبير رائع استاذي : صح نبضك والقلم تقديري

اطلالتك اسعدتني شكرا لهطول اطرائك وعذوبة ردك

كلك ذوق لا عدمتك

وصح بدنك لا هنتي

خالص تقديري