أنا كتبت الشعر وأعرف معانيه=أخذ جزيله وأتحاشا رديه
الشعر فيني باديات(ن)مواريه=أهديه ما دور بداله جزية
أنقا جزيله وأتخير قوافيه=وأقدمه لأهل الوجيه الندية
ليا هاضني قافي ودقت حراويه=قدمت قافي للنشاما هدية
أنا اكتبه والناس بعدين ترويه=اليا إنتثر فوق الورق ما عليه
من ماش أنا أسويه وبشي أسويه=مر(ن)بفارس قوم ومر بصبية
ليا بغيت أرفعه والا أوطيه=كل الأمور مصخرة في يديه
مر(ن)بقوله بالزمان وبلاويه=اللي تمر الخلق صبح وعشية
بحمله مشاعر القلب وأرويه=بحلام روحي دامت الروح حيه
أختار له معناه وأيضا أحليه=بحروف من كل الشوائب نقيه
أغوص بحره وأتخير لاليه=وأسقيه من فكري علوم(ن)عذية
وليا إكتمل قافه وزانت مبانيه=وهبته لعشاق شعري عطية
لو كان كل الناس ماني بمرضيه=والناس بالأذواق ماهم سوية
قال المثل كل(ن)بينضح بما فيه=والله قد قسم عقول البريه
ولاني بواصل قمته لو ناويه=لكن أنا بشعب وراه المطية

المشاركة الأصلية كتبت بواسطة كامل الأوصاف (المشاركة 22774) صح لسانك مليون ولا يكفون لك تقديري

المشاركة الأصلية كتبت بواسطة نجم الحجاز (المشاركة 22765) صح لسانك وبيض الله وجهك قول وفعل لك تقديري