|
الذكـــرى
فوح صدري فوحة البن في صفر الدلال ،،، لا سرى الغربي يلافح سنا الجمر بهواه ،،، ويا وجودي وجد من لا بنات ولا عيال ،، انتحى عمره ولا ذاق للدنيا طراه ،، شايب ما خلت هموم حاله فيه حال ،، ولا بقى له بالليالي عضيد الا عصاه ،، لا لمح له بارق لاح في عرض الخيال ،، فلت الذكرى شريط مضى له في صباه ،، وانشلع قلبه مثل شلع حر فالطوال ،، شايف له جنب خرب تدرق في حصاه ،، ما شكى جرح المفارق ولا هم الوصال ،، ولا غدى له عند الخصام دين ما قضاه ،، غير جرح طاوله هم مع طول الليال ،، لو بقى يخفيه كلن على وجهه قراه ،، يا وجودي مثل وجده وانا همي لحال ،، ولا قدرت لسلا بدونه ولا افارق بلاه ،، صار لي ظل وانا صرت له مثل الظلال ،، كل ما مال الظلال انتحى ظله وراه ،،، طالت الايام وجروح قلبي لا تزال ،، يا كبر جرح بقلبي ويا مصعب دواه ،، ليتها دقلة سبايا وتوريد سلال ،، والله اني ما ادخر العمر عن رغبة هواه ،، القصيدة لـ الشاعر :تركي الميزاني القصيدة مميزة وتحكي عن هموم الدنيا واحوالها وتصوير جميل من الشاعر عندما استشهد بهم الشايب |
رد: الذكـــرى
صح لسان الميزاني
وصح لسانك اختيار راقي يا راقية خالص تقديري |
رد: الذكـــرى
مشكورة يا عبير الشوق
صح لسان الشاعر وسلم بنانك |
رد: الذكـــرى
اختيار راقي و ابيات جميلة معبرة
تسلم الايادي عبير الشوق |
رد: الذكـــرى
يعطيك العافيه.. اختي/ عبير الشوق . والنعم بخوي. تركي الميزاني وابو نايف مغنيه حلاله ماهو بحاجة حلال غيره . القصيده هذي يا اختي. عبير . للشاعر العلم / ضيدان بن قضعان بن حثلين . وتقبلي اجمل تحياتي
|
رد: الذكـــرى
اقتباس:
اقدم اعتذاري للأخت . عبير الشوق . حينما قلت ان القصيده ليست للشاعر المبدع/ تركي الميزاني بل للشاعر العلم / ضيدان بن قضعان .. حيث اتصلت على اخوي/ تركي اخبره بن قصيدة بن قضعان منسوبه له فقال ركز يا ابو وليد على عجز البيت وتجد انها ليست قصيدة بن قضعان بل هي بالفعل قصيدتي .. فأنني اقدم اسفي لخوي. تركي واختي. عبير . واقول لسن احكام هههههههههههههههه |
رد: الذكـــرى
صح لسانك الشاعر ايا كان سواء تركي والا غيره قصيدة راقية ومعبرة
|
رد: الذكـــرى
صح لسان الشاعر تركي ولسان الراوي عبير الشوق
وسلامة الشوف يا رباح الركادة زينة |
رد: الذكـــرى
صح لسان تركي الميزاني ولسان الراوي
رباح يوم تعرف تركي الميزاني ليش ما اتصلت به وتأكدت قبل تحكم إن القصيدة ماهي له وتنسبها لشاعر أخر بثقة ..... التسرع بالأحكام شين الله يعطيك العافية |
رد: الذكـــرى
ختيار رائع ياراقية
كل الشكر |
| الساعة الآن 07:07 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir