أنـا الـعــرب وقــلـبـي فـلـســطـيـن=وعيوني مؤتمر ودموعي قرارات
وأنت المعتدي وطـعـنتني بسـكـيـن=و شفاتي أوربا وعطتك ابـتـسامات
أطعن يا بـختك ماشـي عـلى الـدين=دام أمـريـكـا لأجلك تمسح الدمعات
أقـسـى أقـسـى لا شـو بـالله أتـلــيــن=لا صـار مـن مـثـلـي يقبل بالمذلات
أشــرب دمــي او أســـكــبــه زيــن=دامه أرخص دم على وجه المجرات
أنا الـيـعربي الـمـؤمـن المـســكـيـن=وأنت الدخيل اللي غـدرني بـطعنات
و ألساني يـنـطـق بـيـن حـين وحين =كـنـه إرهـابـي مـتـهـم بالإنـفـجارات
ورجليه تمشيني ولا أدري على فين=كنهم شعب العرب في زمان المتاهات
وأصــابــعـي جـيـش مـن الـمـسـنـيـن=ما يـعـرف يـضـرب إلا بالمـفطحات
وراسي يهودي مـأجـره مـن الـصين=ميـد أن أسرائل الشريحة والفيوزات
ووريـدي تــمــكــنــت مـنـه تـمـكـيـن=ولا عـاد به معتصم يسمع الصرخات
ومن ظلـمك لو أشتـكـي ع سـلاطـين=تـخـاف الـعـرب مـن دمـار العلاقات
وخـمـسـينك زود عـلـيـها بعد خمسين=سـمـع صـلاح وعـمـر بـالـمـستجدات
وأن شـفـتـني أبـتـسم في وجه المزاين=لا تـحـسـب أن قـلبي غشته المنكرات
قـلـبي الـلـي انـقـسـم مـنـك نـصـيـــن=نص طـاوعـك ونص باقي بانتفاضات
وبـاقـي الـجـسـد لأمـر راسـي سـجـين=من عصى راسي أضمن له المجاعات
أنا أبـو لـيــلــى يا وردة الـبــسـاتــيــن=عـلـى خـبـرك مـالـي أبـد بـالـسياسات
جيت أشـتـكـي ظـلـمـك ع الـمـحـبـيـن=لكـن الـفـكـر خـانـته بـعـض الـعبارات
تحبيني تحبيني يا شوق او ما تحبـيـن=بـاقــي فــؤادي يــنــبـض بـالـذكـريـات
لـي الله يـا شــوق لــو نــســـيــتــيـــن=وكـل حـي مـرده بـيـوت(ن) مـظـلـمـات
بأخـتـصـار انـت قـضـيـة فـلـسـطـيـن=بـمـوت وبـاقـي تـعـرض عـلى المحطات