أقلط رعاك الله يا منبع الشوق=دشنت حبك بالخفوق وضواحيه
القلب بيتك يا بعد كل مخلوق=كله حلالك دام حبك سكن فيه
يحرسك نبض القلب يا كامل الذوق=حبك حياة القلب من رب محييه
هواك يركض داخله دم وعروق=يا ملهمه معنى الغرام ومعانيه
أنتِ(ي)لرأسي تاج لابسه من فوق=يا ساحرة معنى القصيد وقوافيه
القاك معنى عشق في كل طاروق=الشعر يزهى بك وتحلا مبانيه
يا عل ما يلحقك يا فاتنة عوق=يا ساحل المشتاق مدري روابيه
لو كان حظي بعض الأحيان ممحوق=اللي أبيه الحظ بالنحس يعميه
لكن أنا مؤمن والإنسان مرزوق=والرازق الله محد يمنع لمعطيه
اللي ضمنته الك يا أعز معشوق=القلب والإحساس للولف مهديه
ما والله يحل به بالخلق مخلوق=إلا أنت وحدك عشقي اللي مهاويه
أقلط رعاك الله يا منبع الشوق=دشنت حبك بالخفوق وضواحيه