واذا يَعني ...؟!
انا ادري فيك بَايعني
وربي صار عِشقي لك مُجرد ذِكرى توجعني ...
كنت بعيني الدنيا ...
وصرت اليوم ما تسوى
اجل عقب الغلا كله ... وبعد ماذقت من عشقي
وطفت بـ دوحة رياضي ... تخليني ...
وتطوف عيونك لغيري ... وتقول ان عِشقنا ماضي ...؟!
على ويش انتهى عُمري ...؟!
على الفاضي ...؟!
انا موافق ... ولكن من يرجعني ...؟!
اذا ترَجع بَعض عُمري ... اذا تطفي بعض جمري
اذا تعوضني اللي فَات انا رآضي ...!!

تخليني وتروح ...؟!
يا حبك للجروح
هذي نهاية اشواقك لـ عشاقك ...؟!
اذا تِقدر تسوى كل هذا ... انا مثلك بعد اقدر ... لكن اخلاقي تِمنعني
اناني
عقب ماخذت من قلبي حَناني ... تخليني لـ زماني ...؟!
يبهذلني ... ويملاني جروح ...؟!
يا حبك للجروح ...!!
ع شاني روح ...!!
بعد ماكانت الضحكة تجي شفاهي اذا شفتك
لقيت شفاهي ما تَقوى
على مِين اشتكي هجرك ...؟!
ولو اشكي ... وش تعوضني الشكوى ...؟!
يا خادعني
تسافر في حِضن غيري ... وقدامي ... وترفع عينك بعيني وتوادعني ...!!
ولا كني انا انسان ... كرهتك
قوّية عينك إي والله ...
كفاية كذب ...
خلاص ابعد وخليني ... تداوي جروحي سنيني
كرهتك كره
بلا خصرك ... بلا ردوفك ...
كرهتك مابي اشوفك ...
كرهت شفاهك ... وعينك
وتفاحاتك بصدرك ... وكرهت ورودك وتينك

وش اللي فيك اصلاً كان عاجبني ...؟!
مدري ...!!
يمكن كحلك بـ عينك ...
وذوقك في فساتينك
وبَعَض روجك ... وبعض عطرك ... وريح الوجد في صدرك
كرهتك ...
وحق اللي خلق خصرك ... وردفينك كرهت اسمك
كرهت لساني لو يسأل بعد " وينك ...؟! "
خلاص ابعد ...
عسى الله يسعد عيونك بـ دنيا غير دِنيآي
عسى الله يجمعك مع من توده ... بس مو ويآي
نزعتك من وسط صدري ... نزعتك نزع
مزعتك من عروقي مزع
نطلتك بآخر الدنيا بعد ماكنت فيني زرع
خلاص ... ابشرك صارت تمر ايام ما تطري على بالي
اخذت من الغدر لي درس
معاد احب ... معاد اشتاق ... معاد اسأل عن الأشواق
بعيش الباقي من عمري انا واياي
انا لحالي معي حالي
ولا اغدر ... ولا اخون
ولا اكذب بـ احساسي ... ولا ابكي قهر بالليل
سافر
روح
خليني انوح
لا تصافحني ...
كذا والله يريحني ...!!
فمان الله ...!!