القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   .. ( محاورة .. فواز الثبيتي .. و .. علي الثبيتي ) .. (https://www.alqwafel.com/vb/showthread.php?t=13395)

صقـر عتيبـة 20-02-2010 01:43 AM
.. ( محاورة .. فواز الثبيتي .. و .. علي الثبيتي ) ..
 
المحاورة التي جرت في يوم الخميس لليلة الجمعة

بتاريخ (4 / 3 / 1431 هــ ) ( 18 / 2/ 2010 م )

بين الشاعرين الكبيرين هما

1 ) فواز الثبيتي

2 ) علي الثبيتي

اليكم المحاورة

فواز الثبيتي

ياعلي كل(ن)على عد الروى يورد حصانه=ان شرب وان ماشرب رده ورى مقلع طمية
انت رجال(فهيم)ولا صريت من الشطانة=من شطانتك القوافل جندت لاجلك سرية

علي الثبيتي

صاحبي فواز ياهل المعرفه حاكم زمانه= يضرب الامثال من زود الفكر مافيه زيه!!
يعلم الله مانحب اهل المخادع واللعانه= وانت يافواز من لاشي لاتعمل قضيه!!

فواز الثبيتي

منهو اللي ياعميلي متهمكم بالخيانة=يعلم الله ماتجيكم تهمة(ن)منا خطية
الحكومة لو تبا تعطيك يالطيب حصانة=كان ماخلتك لا هالحين مجهول الهوية

علي الثبيتي

والله النا ساسنا طيب واهل ذمه وامانه=كيف تنشدني وتتهمني؟؟ وترميها عليه!!
الرجل يجلس مع اطيب منه وحصانه لسانه=لاتسمع فالرخوم وذمتي منهم بريه!!

فواز الثبيتي

ساسكم معروف والكم عندنا قدر ومكانة=لا تجاوب وانت ماحطيت معدال الدعية
الدروب مراقبة بجهاز مأمور الصيانة=تكشف اللي ياعلي من دون حد الجاذبية

علي الثبيتي

ماعلاكم زود كلاً معتلي قدره وشانه=لاتضيعك الهقاوي بين هاذيه وذيه!!
انت يافواز لاتقعد تعيد الاسطوانه= الهواء ماهد برج المملكه والفيصليه!!

فواز الثبيتي

احسب انك تعتذر والقا فمنطوقك ليانة=واثرك اللي من عناده يجزي الحسنة بسية
مانباك تصير في حلق العرب مثل اللبانة=وانت لك عدة سوابق فالعصور الجاهلية

علي الثبيتي

ابتلشانا فالعجم ماتفهم الا بالرطانه= غير الموضوع يارع الحروف الابجديه!!
انت ماتجهل علي والناس ماهزو كيانه=مايهمه قوم قال وقيل وعزومه قويه!!

فواز الثبيتي

مانفكك لين شيخ المحكمة يصدر بيانه=بعد ماشفتك تقلب بين شمس وبين فيه
اعرفك لو تستلم معزى دخيل الله وضانه=لو ثلاث ايام ضيعت المفلى والرعية

علي الثبيتي

دودي الفايد هو المسؤل عن مقتل ديانه=والشرف في حب قيس وحب ليلى العامريه!!
والحقيقه واليقين اليا بغيته مع جهانه=اترك اعلوم الضعوف اللي تجيب المنقديه!!

عساف الأصائل 20-02-2010 07:09 AM
رد: .. ( محاورة .. فواز الثبيتي .. و .. علي الثبيتي ) ..
 
الله الله



صحت السنتكم


لكم تحيتي

فواز الثبيتي 20-02-2010 02:24 PM
رد: .. ( محاورة .. فواز الثبيتي .. و .. علي الثبيتي ) ..
 
الله يبيض وجهك يا صقر عتيبة



كفيت ووفيت ولا هفيت



اتقدم لك بجزيل الشكر والعرفان عن فواز الثبيتي خاصة وعن جميع شعراء المنتدى واعضاءه عامة


لما تبذله من جهد في هذا القسم من المنتدى




تحياتي لك يالغالي







والشكر موصول لعساف الاصايل على مروره ومتابعته المستمرة

علي الثبيتي 20-02-2010 07:17 PM
رد: .. ( محاورة .. فواز الثبيتي .. و .. علي الثبيتي ) ..
 
صقر عتيبه
بيض الله وجهك


ولك مني كل الشكر على ما تبذله من جهد في هذا القسم


تحياتي لك يالغالي


الساعة الآن 08:30 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w