حسبت القصائد فيك تنقل لك الإحساس=لقيت القصائد كلها ما تجملني
مشاعر فؤادي فوق ما يعرفون الناس=وعذب الكلام بواقع الأمر فشلني
لأني أحبك حب ما يخضع لمقياس=أحاسيس روحي فوق ما هو تخيلني
غرامك غدا عندي كما النبض والأنفاس=يا حلم الزمان أخاف للبعد قاتلني
يانور العيون وشمعة العمر تاج الراس=يابسمة شفاه الحب دخلك تحملني
حبيبي طلبتك قول لي مرة لاباس=وأنا بسأل الأنسام والقلب سألني
حبيبي حبيبي حل من عقب الرجا الياس=لكن الأمل في وصلكم لا تهملني
ترى حبكم فيني كما النار بالقرطاس=وزاد الغرام البعد بلحيل غربلني
لكن الزمن غدار ما يقرع الأجراس=مثل ما فرحنا عاده اليوم زعلني
رماني بلا إنذار في بحره الغطاس=وأنا أجامله لكن هو ما يجاملني