أم القرى مقرها داخل العين = ولولا القدر ماغبت عنها دقيقه
هي قبلتي وقبلة جميع المصلين = وماها بإذن الله دواء للشقيقه
مكرَمه على جميع الميادين = فيها حرم ربي وزايد بريقه
أم القرى مسكانها الشرايين = فيها حراء غار الرسول وصديقه
كل عام ياتيها ضيوف(ن)ملايين = مثل النحل فوق الزهر ورحيقه
من طوكيو ولندن وموسكو والصين = وايضاً لفوها من الدول الشقيقه
فيها الآمن من وقت ماضي وذا الحين = ومن زارها تفارقه كل ضيقه
الصقر حاميها بدرع(ن)وسيفين = سيفين تبتر من يضيع طريقه
أم القرى لو غبت عنها نهارين = تشب في روحي وقلبي حريقه
أم القرى قبلة جميع المصلين = ولولا القدر ماغبت عنها دقيقه
يالله يامعبود ياقاضي الدين = يارب تجمع بين قلب وعشيقه

يالذيب

صح لسانك وسلمت يمينك


قصيدة جميلة وجزله من شاعر جزل


في اطهر بقعه على الارض

مشكور على الابداع


تقبل تجياتي