مرحبا فيك ياقاضـي بفـو طـه معمّـم=مـعـتــنــي بـالـعـمــامــه
منشقل بالزلـط ولامعـه غيرهـا هـم=بـالـفــلــوس اهـتـمــامــه
هل درست القضاء من اجل تعرف وتفهم=ام لاجــــــل الــغــرامـــه
تنصف المفتري لعطـاك مبلـغ مقـدم=او مـــن اهــــل الـزعـامــه
والمسيكين لوجـاء يشتكـي زاد يُظلـم=ولابـتـســمــع كـــلامــــه
مكتبـك بالقضايـا والشكـاوي مراكـم=حــــوش فــيــه الـقُـمـامـه
اتـقِ الله وذكـر منزلـك فـي جهنـم=مـاتــفــيــد الـعــمــامــه
وانـت حيـاك ياقايـد يسمـوك فنـدم=مـسـتــحــق الـفــخــامــه
انت بالامن او بالجيـش قائـد مخظـرم=مــــن بـقـايــا الامــامــه
اهّلـك والـدك لامنصبـك ذا وعـلـم=واجـــبـــك احــتــرامـــه
وخبره بالغنايم ذي بهـا صـرت تنعـم=خـلـفــوهــا الـنــشــامــه
واستلمت الرواتب حـق سالـم ويسلـم=لـــطـــش ولا ظُـــلامـــه
زايـد الدعـم والتمويـن ذي للمخيّـم=فــــزت فــــي اغـتـنـامـه
والعساكر بهم تغـزي واحيـان تدعـم=فــــي مـقـابــل عُــزامــه
يسلبوا الارض من يد الضعيف المحطـم=وايـــدقـــوا عــظــامـــه
جيش للسطو جاهز ليس بالامـن مُلـزم=خــــل فــــي الـتــزامــه
ماوجدنا بهـذا الكـون مـن نسـل ادم=عـسـكـري فــــي بـجـامــه
يرتدي ثوب او مقطـب وجاكـت مقلّـم=يـــوم هـــو فـــي دوامـــه
ون دخل سوق يمشـي بالقنابـل ملقّـم=مــايــهــاب الــمــلامـــه
اذكـر الله ياقايـد مـن النـار تسلـم=نــــار يــــوم الـقـيـامــه
تحسب انـك قـوي وقـوة الله اعظـم=خــــاف مــــن انـتـقـامـه
ياهلا باللـذي جـاء بالذخايـر محـزّم=شــيــخ كــلــه شـهـامــه
يوم شفته حسبت انـه مباشـر بمطعـم=وافـتـهــم مــــن كــلامــه
من كلامه عرفـت انـه بقـوه مدعّـم=هــــــذه اول عـــلامــــه
واتضح لي من الصالون ماهـو مرقّـم=الــزجــا لــــه مـقــامــه
لوتكلمـت بالقانـون تـؤذى وتشـتـم=يــمــطــرك بـالـشـتـامــه
والقوانيـن يتمشـى عليهـا مـجـزّم=دام ابـــوهـــا دوامـــــــه
يعتبر منطق القوه علـى الحـق اقـدم=مــــن مــبــادى نـظـامــه
واحترام النُظّـم تنقيـص للشيـخ او ذم=او تـــمـــس الــكــرامــه
احمـد الله ذي خصّـك بخيـره وانعـم=واوجـــدك مــــن عــدامــه
التواضع وضبط النفس للنفـس اكـرم=تــرفــع الـشـيــخ قــامــه
والتقينـا بتاجـر مفتـري مابيـرحـم=يــذبــح الــــي امــامـــه
اشهر السيف في وجه المواطن وصمـم=ان يــحــقــق مـــرامــــه
يذبحـك يلمواطـن والحكومـه بتعلـم=حــســرتــك والــنــدامــه
تاجر اليوم ماهـو مثلمـا العـام ياعـم=بــالــثــرا والـضـخــامــه
له مشارك في الدولـه يسانـد ويدعـم=وا يــســهــل مــهــامـــه
العمل مشترك مـدروس جاهـز مقسّـم=تــحــت ظــــل الـغـمـامـه
قال لي انـت يامجنـون يـا مابتفهـم=خــــل عــنــك الـغـشـامـه
ماترى الطب كيف اصبح تجاره ومغنـم=افـــقـــدوه احــتــرامـــه
بعضهم حولوا الشقله تجاره فـي الـدم=يالله الـــنـــا الــســلامــه
يطلب الربح في المسموح اوفي المحّـرم=احــرمــه مــــن مـنـامــه
تطلب العافيه واعطـاك حقنـه مسمـم=فــيــك يــرمــي سـهـامــه
انصحك عالج العلـه بمكـوى ومحجـم=والــشــفــاء بـالـحـجـامــه
واحتفظ بالزلط عسـاك تُعفـى وتسلـم=خــــل عــنــدك صــرامــه
راقـب الله ياتاجـر بلمـوال مـغـرم=طــــال فـيـهــا هـيــامــه
واللقاء الان بالاستاذ متعوس ابو الهـم=فــــي مــقــر الاقــامـــه
بالشوارع وبالصحـراء اذا مـا تحشـم=شـخــص مــالــه كــرامــه
له مرتـب مـن الدولـه ولا يـوم داوم=بــــالاذى طــــول يــومــه
يستغـل الوضيفـه لاحسابـه ولاهــم=واجـــبـــه والــتــزامـــه
حين تبداء عمل مشروع رسمي مرسّـم=يشـغـلـك فــــي خـصـامــه
يوقفك حيث تملك وانـت يافاهـم افهـم=والــفــلــوس اعــتــزامــه
ان تساهلت واعطيتـه يجيئـؤك بالكـم=الـــبـــلاء والـــرذامــــه
وان منعتـه تفاجـئ بالمديـر المعظّـم=جــــاد فــــي اقـتـحـامــه
ذاك منـذا وذا منـذاك خبـره تعـلّـم=انــتــهـــز انـظــمــامــه
انظمامه الى السلـك المخيـف المنظـم=قـــبّـــح الله مــقــامـــه
معهد النصب ذي فيه الحرامـي يُكـرّم=اســســه بــــو دلامـــــه
صعبوا كل شي حتى الامـل كـاد يُعـدم=واحـــرقـــوا لـبـتـسـامــه
كيف نسلى ورحنا بالمرض والوباء عمّ=مــــن عــــدن لاتـهـامــه
صارت اوهام ذي كنا بها الامس نحلـم=حــولــنــا يــاحــوامـــه
والمواطن بيتجـرع سُقطـري وعلقـم=مُــــر اصــبــح طـعـامــه
كم جرع ذي تناول كل جرعه من الفـم=واعـتـبــرهــا مُـــدامــــه
حسبنا الله ذي منه يجينـا جلـى الهـم=والـشــفــاء والــســلامــه