القوافل العربية - قصة الخطابة أم ناصر

السلام عليكم..
الفراع والطفش خلوني افتح حساب بتويتر ع اني خطابه.. طبعا انا بالحقيقه شاب عاطل لاشغل ولا مشغله ... والله وفتحت هالحساب
وسميت نفسي الخطابه ام ناصر طبعا نيتي من فتح هالحساب الطقطقه والسوالف مع البنات ....لكن ما حدا عطاني وجه نشرت حسابي بكل مكان وشوي شوي بدت تهل علي الطلبات بالخاص.
اللي يبي طويله واللي تبي مهندس واللي يبي مسيار واللي تبي واحد غني.. يعني محد جاد أبدا وانا كنت مبسوط مع السوالف مع المزز.. واستمر الامر طقطقه وتبادل آراء ومعلومات وكذا يعني ...ادردش مع ذي واسولف مع ذاك وكلن يحسبني فعلاً خطابه حقيقيه🌚💔😂؟!
يوم من الأيام جاتني وحده ع الخاص انا يتيمه وابحث عن زوج ❥ ذو اخلاق واتمنئ من كل قلبي يكون امام مسجد.. كتبت لها وش مواصفاتك ي بنيتي🙊؟؟
طبعا انا متعود ان اكثريه البنات يصفو لي اشكالهم وأجسادهم بالتفصيل الممل الا هالبنت رفضت !! وكتبت لي حرام أُوصِّف نفسي لحدا اذا لقيت لي عريس مناسب عطيه عنوانا وهو بيشوفني نضره شرعيه ..كتبت لها يصير خير
وش عندك بعد طلبات للعريس وشروط..
ردت عليا وقالت ابيه محافظ ع صلاته ويخاف الله فيني..قلت لها طيب كم عمرك ومن هالأشياء عشان اقدر ابحث لك عن عريس مناسب..كتبت لي اني اسمي فلأنه وعمري كذا وكذا وعايشه عند خالتي يتيمه ما عندي اخوان ولا خوات ولا معي الا شهادة المتوسط
حسّيت اسلوبها بالحوار جدا مهذب..كلماتها كانت رقيقه وواضح انها محافظه جدا ومؤدبه💔💔💔💔 صرت كل يوم احاول ادخل معها بنقاش بس عشان اتطمن عليها واعرف شخصيتها اكثر وادرسها وهي يا قلبي ماتناديني الا خالتي وخالتي ما عندها ادنئ شك اني رجل متخفي تحت قناع خطابه ..
والله واستمرت علاقتي معها شهرين وربي رزقني بوظيفه حلوه وقَعَدت افكر جدياً اني اخطبها بس المشكلة انها مو نفس منطقتي ولا قبيلتي ولا اعرف شلون افاتح امي وأبوي عنها ولا كيف اصلا أكلمهم عنها بيقولون لي شلون عرفتها ولا بيرضون اتزوج وحده انا متعرف عليها مع انها جدا محترمه ولا هي راعيه سوالف وحب وغراميات عن طريق النت.
والله وأروح أسير عند اختي الكبيرة المتزوجه واكب عفشي كله عندها وعلمتها عن هالبنت وقلت لها ابيها بالحلال ووقالت لي اختي ولا يهمك اني أكلم امي عنها وأقول انها صديقتي من ايام الدراسه وفعلا اختي كلمت امي وإني استأنست بالموضوع وماكان عندها اي مانع وجاء دور أبوي اللي رفض💔😭..
أبوي رفض وقال لي ليه نخطب من بعيد وبنات جماعتك ماعليهم خلاف جمال وذوق وادب...😰
لكن اختي الكبيرة ما قصرت مدحت بالبنت قدام أبوي مدح وصلتها للسماء لغايه ما وافق الحمد لله وانا ذاك اليوم الارض ما وسعتني من الفرحه..رحت ركض للبنت واقولها اني لقيت لها عريس اسمه كذا وكذا وعمره كذا وكذا ووظيفته كذا وكذا..
هي انبسطت وقالت بتنسق موعد مع خالتها ..سبحان الله الموضوع كان جداً سهالات وميسر من رب العالمين وفعلا سافرنا لمنطقتها وخطبناها الحمد لله تمت النظره الشرعيه وملكنا واحنا مبسوطين وعرسنا وربكم طارح علينا البركه
.....لكن😰....
من حظي الاقشر اني نسيت احذف حسابي حق الخطابه من تويتر وكالعادة. الاسبانيات يموتن ع التفتيش.. زوجتي فتشت جوالي وشافت الحساب وشافت كل شيء وعرفت اني الخطابه ام ناصر بشحمها ولحمها...💔🙊🌚
وانصدمت بس صدمتها كانت عباره عن ضحك واستغربت وتحلفني كل شوي ماهي مصدقه اني الخطابه .. وانا مثل الأهبل معطيها ابتسامه صفراء وكلها احراج🌝
وأحس ان الهيبه ضاعت ومن ذاك اليوم وجوالي دايم في حاله إصدار وتفتيش المداام تخاف اني افتح حساب جديد وأصير الخطابه ام فيصل وأتزوج عليها حرمه ثانيه 😅😅😅
وبس والله حبيت اشاركمم قصتي اللي بدت بكذبه بتويتر وتحولت لزواج سبحان الله شلون الزواج فعلا قسمه ونصيب

منقول