ما يجي بالأوله غير الأصايل=والردية ما تجي بين الطلايع
غالية عند البدو عيال الحمايل=هي طماعتهم ليا جات الطمايع
دونها كم راح شيخ ودم سايل=ما عطوها من الغلا ثمن بضايع
والنوادر بينها دايم قلايل=ما خلطها هافيات ولا نزايع
الحرار الطيبة إلها فصايل=ما تشابه غيرها بكل الشرايع
مثل قرص الشمس في عز القوايل=ما تغطيه الكفوف ولا الذرايع
ما علاها لا عسام ولا مخايل=والتطبع ما يغير للطبايع
هي دلايلهم ليا بغوا دلايل=هي فخرهم لا تباهو بالروايع
هي جمايلهم ويا زين الجمايل=هي شفا لكبودهم يوم الوقايع
في نهار الضيق ما تغدي جفايل=الصنايع ما جزاها الا الصنايع
هي فخر لفعولهم بين القبايل=ما عرضوها بين شاري ثم بايع
طبت الميدان يا حظ الأوايل=صيتها بين العرب ظاهر وذايع
جاتنا منقية(ن)ماهي نفايل=ما بها اللي لا مشت قامت تتايع
من بنات أفكار ماضين الفعايل=الرجال اللي لهم الشعر طايع
ينقدون الفكر من كل الخمايل=صافي(ن)مثل الذهب بين السلايع
القصائد كلها تهول الهوايل=طيبة وثبيت تعدل كل تايع
قمت بنشرها عبر كل الوسايل=لين يغدي ذكرها ظاهر وشايع
بالصحافة والأذاعة والرسايل=ماني اللي لنتخا قالوا قطايع
الصمايل ما لها غير الصمايل=والأصايل دايم(ن)تجي طلايع

صح بدنك والف شكر لك



سعدت بردك الطيب


لك خالص الود

صح بدنك ولا هنت



سعدت بردك الطيب



لك خالص التحية

صح بدنك مثل ما قلت


سعدت بردك


لك خالص الود

صح بدنك ولا هنت




سعدت بحضورك المميز وردك الطيب



بارك الله فيك



لك خالص الود