يا قاف القصيد الليلة الهاجس المرتاع=
تذكر سنين ٍ(ن)روحت والدواء فيها=
ياقاف القصيد القلب كنه رفيف شراع=
ضلوع الدفا من بردها من يدفيها=
تذكرت حي ٍ(ن)كان لي مطمع الطماع=
غدت به ظروف الوقت ربي يكافيها=
على شأنكم ياللي لكم بالحشا مرباع=
كتبت القصايد لين شابت قوافيها=
يا ملهم قصيدي بعدك الشعر شح ولاع=
وروحي تجرع لوعة الوجد محفيها=
ليا جن ليلي قمت مع حلمي المطواع=
أسج الهجوس اللي قلية عوافيها=
دروب الوصل ضاقت ولا عادهن وساع=
تقافت ليال العمر والموت قافيها=
زمان ٍ(ن)مضى ما عاد له بالعمر مرجاع=
ونفس الهوى من عشقها من يشافيها=
ياليت الجروح اللي تركها الهوى تنباع=
على شأن روحي تنتهي عن مجافيها=
بعد ضاعت الأحلام في عمري اللي ضاع=
بقايا ليال العمر ماني مصافيها=
كفاية شبعت من السنين الغبر أوجاع=
ليا شأنت الأيام صعب ٍ(ن)نصفيها=
تصبرت لين الصبر سره بشعري ذاع=
وقامت لحوني تشتكي من قوافيها=
يا قاف القصيد الليلة الهاجس المرتاع=
تذكر سنين ٍ(ن)روحت والدواء فيها=