تمسح الدمعة وتشكي من جروح=في سويدا القلب من جور الزمن
أحرمتها ضحكة الثغر الصبوح=وسجنتها في سراديب الحزن
كبلتها عن مسرات و مزوح=والبستها ثوب(ن)أقسى من كفن
كنها هيكل غدا من دون روح=زادها الأهات وأطياف وشجن
ترفع الكفين للرب السموح=تطلب الرحمات من قهر وغبن
خانها الحظ والوقت الشحوح=تقول أحس بداخلي مثل الطعن
مر أهيم ومر أشيم ومر أنوح=داخلي قلب(ن)معنى ما سكن
يزرع الأمال ما بين القروح=ويحصد الألام من حقل المحن
مات حلم العمر والحسرة ذبوح=كيف يحيا ميت(ن)بعد إندفن
يا حياتي وين من قهري أروح=ما بقا للصبر في قلبي وطن
طالت الأيام وتضيق الفسوح=وتكبر الأحزان في صدري يا هن
المأسي تنبني جوفي صروح=والسعادة روحت بأول ظعن
سلوتي دمع(ن)على خدي يفوح=كل ممسحه بكفوفي سخن
ما بقا بعد المقام الا النزوح=من حياة(ن)مالها عندي ثمن

صحت أبدانكم جميعا



سعدت بحضوركم وردودكم



لكم خالص تحيتي