الله أكبر يا زمن ما أقوى قساه=من بعد ذيك الليالي ما صفا
ياعشيرٍ(ن)ما تهنينا بصفاه=شب فيني نار حبه ما طفا
ياحبيبٍ(ن)ماكسبت إلا جفاه=من هجير لبرد ماحوله دفا
كل ماقلنا ياعله يا عساه=مات طفل الشوق في حضن الجفا
مارحم قلبٍ(ن)تعنا من غلاه=مخلصٍ(ن)له بالمحبة والوفا
ما جنيت من المحبة غير آه=كل جرحٍ(ن)من غرامه ماكفا
الزمان اللي صفا معه نساه=ما تذكَر كم بعيوني غفا
حبل وده بعد مديته طواه=لين مشاني على درب الحفا
الغرام اللي جرحني ماكفاه=بعد ما هاج المشاعر إختفا
يالله ارحم حال من سمه هواه=كلنا يارب بالحب ضعفا