وا قلبي اللي كن يصلاه حما=أربع سنين الجوف يشكي سخانه
أربع سنين أزيد للهم هما=اختل منها عقل كله رزانه
شكيت للدكتور لكن تعما=عجز يشخص للوجع في مكانه
ومريت للقاري قرأ جزو عما=ماشيء تغير رغم حالي بيانه
كل الطرق جربتها لو تسما=جربت كل علاج جا بأقزخانه
ومر التجارب زادت الغم غما=الجرح يكبر والدوا فات أوانه
أنا علاجي مختلف كيف كما=دواي ماله بالقواميس خانه
دواي ملهوف الحشا عين شما=لا من تثنى كنه الخيزرانه
عوده كما الريحان خده مدما=خفيف دم السحر يسكن عيانه
صافي جبينه مثل بدرٍ(ن)بظلما=ما بيني وبينه عهود وميانه
كن الجمر شفته فوقه يحما=خدٍ(ن)تصلى به ودما بنانه
الجادل اللي رمحها قد تحما=على الفؤاد بقسوةٍ(ن)في ليانه
سقم هواه الحال ياحي سقما=صابر على جمر الهوى والمهانه
حرق عروق القلب لحمٍ(ن)ودما=إجتاح فكري ما بقا له حصانه
وا قلبي اللي كن يصلاه حما=أربع سنين الجوف يشكي سخانه