ابطيت عنكم والبطا يااصحابنا ماهو جفا= اسبوع واحد يوم اعده كني اخذلي سنه

الوقت قاسي وانعدم يااصحابنا فيه الوفا= يضيع حق الصاحب ليا غاب ماننشد عنه

يا مرحبا بالصاحب اللي ما نحطه بالقفا=دائم على جنب الرفيق ملازمه مع ايمنه
لكن أظنه في غيابه لاقين بعض الدفا=واللي لقا له بيت دافي بالبراد بيسكنه

دام البقا حييت ياشاعر على الجزله لفا= معروف جابر من قديم الوقت هذا ديدنه

في خدمة بلادي قوي عزوم طرفي ماغفا= وانته مقابل طرق مستور العصيمي ولحنه

أنتم بعدنا يا وسيع الصدر للدار خلفا=لكن عزي للوطن مادام هذي عينه
عطنا علومك ياطويل العمر والصافي صفا=هات الخبر عساك لاقي لك متاكي لينه