صدفة كانت على متن المـــزون=اجتمعنا فوقهــا بليا وعـــــد
رعدها الخفاق وبرق بالعيــــون=ظلها الأفكار وأحلام الســــعد
وانفرج كرب التلاقي والظنون=بسمة هلت على القلب البرد
يا حبيبي نظرة الطرف الحنون=شيدت للشوق صرح بلا عمد
عطره بالحب وأنغــام وفنـــون=أنت سيد الروح ما غيرك احد
يا غضي الطرف ياعذب اللحون=أدعـج العينين يــا زام النهـد
الشعــر ليل سرى حدر المتـون=سابـح(ن)في خشـــوع قــد ســجـد
عوده الريــان مــوز بالغصـون=ومشيتـه ريـم تجمـح بالنــفد
مكتمل بالحسن زاهي بكل لون=ماش عيب فيه لـن قـام وقعـد
كل شي لخاطره واللـه يهـــون=لأجلها تنحل عسيرات العقــد
بس قل لي في حياتك من أكون=وتــرك الباقي عليـه والجــلد
لا تقل أعقل ترى فينـي جنـون=من يشوفك ضاع فكره وارتعد
لو قريت الفاتحـة وكاف ونـــون=واستجرت بواحــد فرد صمـد
لو قضيت العمـر كله بالسجون=ما ندمت أول ولا بنـدم بعـد

المشاركة الأصلية كتبت بواسطة الــذيــب (المشاركة 28357) صح الله لسااااانك وبيض الله وجهك قصيدة غاية فالرووووعه لك أرق التحايا و أعذبها

المشاركة الأصلية كتبت بواسطة binhlailبن هليــل (المشاركة 28366) صح لسانك وعلا شأنك رائعة بروعتك لك تقديري

المشاركة الأصلية كتبت بواسطة نجم العرب (المشاركة 28372) صح لسانك قصيدة جميلة الله يعطيك العافية لك تقديري