ياهلا حيّا الله اللـي تشـرح الخاطـر علومـه=ساع يحكي ماتمل النفس مـن روعـة كلامـه
سلّم وشفـت الذرابـه واللطافـة فـي سلومـه=فاح عطر الورد من طيبه ومـن رقّـة سلامـه
حي من هبّت به ارياح الامـل واعلـن قدومـه=قام يسأل ويتوّصـف بيـن قـروى والسلامـة
محتشم لابـس ثيـاب العـز ضافيـةٍ هدومـه=ميـر ماتخفـى الاناقـة والشياكـة والوسامـة
القمر شافـه وولّـى غيـره وحقـد وخصومـه=واكتشفت ان القمر موجود فـي طرقـة لثامـه
تل قلبي تل غصنٍ جـاه سيـلٍ مـن رجومـه=منحدر من عالي جبـال السـراة اليـا تهامـه
بعدهـا دوّرت قلبـي مالقـيـت إلاّ رسـومـه=انحطم مثل الشهاب ولاقـدرت اجمـع حطامـه
ياظريف الطول لاتبحث خفى القلـب وهمومـه=لاتـردّه للسهـر ومصاحـب الليـل وظلامـه
كل درب يـودّي لقلبـي وكـن القلـب رومـه=عشت ياقلب المـروة عشـت ياقلـب الكرامـه
وبعـد دليتـه سألته/قـال زايـر مـن تنومـه=واختلفت وقمت ارحّب ياهلا ب/اهـل المنامـة
واشّر بكـف المـوادع واظلـم الجـو بغيومـه=ولاح برق الشوق وارعد وامطر احساسي غمامة
وغاب عنّي ماتركلي غير بعضٍ مـن سهومـه=غايرة ف/اقصى الحشا وآثارها جرح وعلامـة
راح ب/احساسي وشوقي كن الاشواق امعزومه=اتركتنـي واقـفٍ محتـار يــاالله السـلامـة
ياظلال الشوق في قيض الزمان وفـي سمومـه=ياربيـع الامنيـات وياشـذى عطـر الخـزام
آه من ليل الحرير اللي كسـا صبـح النعومـة=وآه مـن ورده وعنّابـه ولـولـوه وحسـامـه
اعترف طير الهوى عاند فضـاه ومـلّ حومـه=اختلف ماكـل شـي يغريـه ويثيـر اهتمامـه
غيرك انت اللي شغلت البال فـي ليلـه ويومـه=صار طيفك وشم فالخاطـر وفالوجـدان شامـة
من تعلّق في غرامـك هقوتـي محـدن يلومـه=والله انّـك تلفـت الانظـار ياظبـي العـدامـة
قبل اشوفك زاهدٍ ف/الحب لااشريـه ولااسومـه=لو غلافه من حريـر المحتـوى هـم وندامـه
شوف ليلي راح نصّّـه عانهـا تلمـع نجومـه=طالبـك ياللـه تغفـر زلتـي يـوم القبـامـه