الزير يا هلال صوته يوم دقوبه=أكثر قلوب العرب يا هلال يطربها
المال والجاه والمزيون مرغوبه=ما تشبع النفس منها لو تعذبـها
كلٍ(ن)مسجل محاصيله بحاسوبه=وأنته عرفت الحياة ومن تجاربها
الناس يا صاحبي غالب ومغلوبه=دنياك ما هي بتصفي لو تغالبها
تضحك وتبكي وحنا وسط غيبوبه=وأيامنا ناشبة فينا مخالبها
سفينة الحب لأهل الحب مركوبه=والموج يومي بساريها وراكبها
واللي معلق فؤاده حب رعبوبه=ما هو بمرتاح منها لو يجنبها
وإن نالها لو صفت له يوم بإعجوبه=ما كل الأيام تضحك له ويعجبها
والله يعين لمعنى راح محبوبه=النفس تجزع ليا قفوا حبايبها
الناس تمشي بدرب الود مسلوبه=حب الهوى يا هلال النفس يسلبها
يسلب عقول البشر بأفعال منكوبه=والنفس ما تنتهي والحب حالبها
طول العمر فوق عود الغي مصلوبه=ما تنتهي لين حبل الموت يجذبها
ولا كل منهو تولع نال مطلوبه=دنياك تتعب لطالبته وطالبها
تضحك لك بنيةٍ(ن)ودرة ومقلوبه=ياكثر صكاتها مدري مقالبها
لكن على قولهم دلتك مشروبه=ما يطعم لطعمها يكود شاربها
ويا حظ منهو توفق وأحسن التوبه=ريح لراسه من الدنيا وحاربها

المشاركة الأصلية كتبت بواسطة ذئب الطائف (المشاركة 202171) صحت السنكم صوت وصدي ابدااااع وجزالة

المشاركة الأصلية كتبت بواسطة البدوي (المشاركة 202173) صح لسانك ولا هنت ابداااااااااع جزلة من جزل

المشاركة الأصلية كتبت بواسطة فارس نجد (المشاركة 202174) صح لسانك وبيض الله وجهك احسنت

المشاركة الأصلية كتبت بواسطة أبو الطيب (المشاركة 202175) صح لسانك قصيدة راقية تستحق الاشادة

المشاركة الأصلية كتبت بواسطة الحر النادر (المشاركة 202177) صحت السنكم ابدااااع من الطرفين الله يعطيكم العافية

أحبتي في الله

اسعدني حضوركم وردودكم الراقية

لا عدمتكم جميعا

تقديري