القوافل العربية - محاورة : عيضة الثبيتي و مستور العصيمي

عيضه الثبيتي

يامستور العصيمي ويش رائك لو ناخذ قاف
ترى ليل الربيع يهيض الشعار مـن طولـه
ترى أهل السيل تنشد عنك وتدَّورك بالكشاف
لكنك غبت عنهـم غيبـةٍ ماهـي بمعقولـه

مستور العصيمي

ليا منك بغيت القاف قرّب والزم الميقـاف
تراني خابر الرجال من زوله ومـن قولـه
والا ياعيضه الك سنين سد سنين ماتنشاف
وانا رجلي لراع الحـق مثنيّـه ومعقولـه

عيضه الثبيتي

والا ياطيبها يوم أنت طيّب ماعليك خلاف
لو أن علومك اللي جبتها ماهي بمقبولـه
على الشعار وصّاك الثبيتي مطلق وصياف
وجيت ادوّرك واليا أنها البيبان مقفولـه

مستور العصيمي

علوم ٍ ماضيها ماجالها شاهـد ولا حـلاّف
سواة العقده اللّي عند رأس الحبـل محلولـه
نبا يابن معيوض نعرض الدعوه على العُرّاف
وأنا لي دعوة ياصاحبـي ماهـي بمجهولـه

عيضه الثبيتي

والا يامسرع الروحه والا يامسـرع المنكـاف
على البحر الحمر والبحر الاحمر يصطفق جوله
دمحنـا الأولـه والثانيـه والثالثـه تنـعـاف
ووصلنا السلوك اللّي ثلاث سنيـن مفصولـه

مستور العصيمي

أنا طيَّب بخير ولا رزتنـي حذفـة الحـذاف
وانا قاضي ولد قاضي وبعض الناس مهبوله
وأنا ماني سواة اللي يروح يدور الاسـلاف
يدور للسلف من عند ناسٍ مامضى حولـه

عيضه الثبيتي

والا ياحضرة القاضي ترى ماهو بحكم انصاف
يدينك فالدسـم ويـديَّ بالصابـون مغسولـه
اثبتها على السيسان مابنيها علـى مهيـاف
هذا مستور مايعـرف رفيقـه ميـر قولولـه

مستور العصيمي

ليا منا رمانا يالثبيتـي نطـرح الاهـداف
وانا خابر يمينك وافيـه ماهـي بمغلولـه
ندور للذهب واثر الذهب في خزنة الصراف
من أهل السيل جاني واحداً ماهو على زوله

عيضه الثبيتي

يميني وافيه والسيف يامستـور للسيـاف
لكن الوقت الاقشر يالعصيمي تقرع طبولـه
على البحر الحمر والله لو ترمي مية مغراف
ماينقص بحرنا وأيامنا دولـه ورى دولـه

مستور العصيمي

أنا ماقول فيك قصور ياحايف ويا منحاف
ليا ماقـدِّر الرجـال ماقـدَّرت مرسولـه
بدينا وانتهينا والوعد فبداية المصيـاف
ولا تقضي حياتك في بيوت السيل معزوله

عيضه الثبيتي

والا يافكرتي يانكرتي في هالونيت الهاف
ليا حليّت صاموله طلع عشرين صاموله