أربع وعشرين ساعة ما وصلني خبر...!=عن صاحبٍ(ن)بعد غاب النفس يا شينها...!
أربع وعشرين ساعة محتضن للقهر...!=ما شافت العين مضنوني ولا زينها...!
اليوم من غير ولفي مثل طول الشهر...!=الله يهون على روحي ولا يهينها...!
يأجمل مخاليق ربي من بنات البشر...!=روحي بعد غيبتك باحت مكانينها...!
العين ترسل عباير مثل وبل المطر...!=والقلب ينشد ضلوعي غايتي وينها...!
وشلون بقوى بعادك يا عديل النظر...!=نفسي بعد روحتك يا صعب تسكينها...!
أحس بالصدر ضيقة كاتمة للصدر...!=مواجع العمر فيني حان توطينها...!
ما باقي إلا جروحٍ(ن)في بقايا عمر...!=باق الليالي قساوة منتهي لينها...!
والقادمة يا خديني بالمرارة أمر...!=سود اليالي عليّ تحد سكينها...!
لكن هذا قدرنا ما لنا من مفر...!=مكتوب من خالق الأرواح في حينها...!
لا بد بعد المقام يحين وقت السفر...!=أرواحنا من خلقها قادر يعينها...!
قادر يرد الوليف وبعد عسرٍ(ن)يسر...!=يطو المسافة وأحط ايدي بيدينها...!
ينزاح من خاطري ضيقه وكل الكدر...!=لا من تجلت وطاحت عيني بعينها...!
وإن ما حصل ياكريم الوجه نزل صبر...!=على قلوبٍ(ن)قسمت الحب ما بينها...!
أربع وعشرين ساعة ما وصلني خبر...!=عن صاحبٍ(ن)بعد غاب النفس يا شينها...!