هوجاس نزفك للظوامي مواريد=وكل ظامية لا بد تارد لميراد
الشعر لا من جاك طالب لتجديد=لبسه من فكرك طواريقٍ(ن)جداد
إطلق عنانه لا تقيده تقييد=الحر ما ينذل يا كود بقياد
إشرب صفاه وقدمه للأجاويد=ترى حلاة الشعر للفكر لن جاد
الشعر ديوان العرب والصناديد=سجل لهم في ماضي الوقت الأمجاد
يملك قلوب الغيد لن قيل للغيد=يلهب مشاعرهن كما لهب وقاد
يرفع لروس أقوام كانت على البيد=ويرخي لروس أقوام وسيوفه حداد
الشعر نزف إحساس فرح ولواهيد=يجي على الميعاد وبدون ميعاد
ياعاشقٍ(ن)للصيد لا تترك الصيد=ما كل قناصٍ(ن)ولو قال صياد
ترى الصقور تحب طرد المطاريد=طيرٍ(ن)بلا مخلاب لو طار ما فاد
هوجاس نزفك للظوامي مواريد=وكل ظامية لا بد تارد لميراد

ياعاشقٍ(ن)للصيد لا تترك الصيـد
ما كل قناصٍ(ن)ولو قـال صيـاد
ترى الصقور تحب طرد المطاريـد
طيرٍ(ن)بلا مخلاب لو طار ما فـاد


صح لساند ابداع شاعر


موفق