ويالله طلبتك وأنت للذنب غفار= على الله اب اشكي حيلتي واعتمادي
أنا شايف التجار زادوا بالأسعار=وبعض العرب ماعاد حصيله يمادي
حرام التزيف والتزوف بالأعذار=تقولون زاد السعر في الأقتصادي
علاكم بتقوى الله ترى الوقت دوار=لاكن احسبوا باقي الليال الجدادي
نبغى ناس مختصين في كل الأقطار=تراقب سوق البيع حضر وبوادي
يالله تحفظ دارنا دار الأخيار=بلاد السعود أصل السعد والرشادي
بحكم الملك اللي علا فوق الأوكار=يعين الغريب وضد فوق المعادي
وحنا جنوده لين يفنن الأعمار=وحب الملك والدين غاية مرادي
وهذه دار أهل الوفى دار الأحرار=ومنزالها بين الضلوع وفؤادي
ابى حد عنها كل غادر وغدار=بضرب السهام ولا بلزم الأيادي
ونختم بذكر الله على خير الأبرار=وصلوا على اللي جاء بنور العبادي