قوة الله هزت راسيات الجبال=مير وين الذي باللي حصل يعتبر
الجبال العريضة والجبال الطوال=ما منعها من الهزات صلب الحجر
النذر بينة ما عند ربي محال=الزلازل تراها من ذنوب البشر
لاستباحوا محرم ومنعوا للحلال=البداية زلازل والنهاية سقر
من تمادى بغيه فأخرته الزوال=قوة الله عظيمة يا مكذب خبر
يالله الطف بنا يا متصف بالكمال=ذنبنا لا تعذب به جبال وشجر
ارحم لضعفنا ياعالم بكل حال=لا تسلط على مؤمن بفعل الكفر
يالله ارحم عبادك يارفيع الجلال=قوتك لو تحول فوق صخر انصهر
من عمل ذنب زيله في قريب الليال=كان عيا يتوب ولا كفته النذر
لا تعاقب بذنبه للنساء و الرجال=يا قوي ٍ(ن)لحكمه ذاب صم الصخر
يا رفيع الجلال اغفر لقيل ٍ(ن)وقال=واهدنا ياكريم لكل ما هو يسر
ثبت أقوالنا يارب عند السؤال=ليلة نبات بالظلمات جوف القبر
قوة الله هزت راسيات الجبال=مير وين الذي باللي حصل يعتبر