أي والله أذكر ذكرياتٍ(ن)قديمه=
نقشتها بالروح ياأغلى من الروح=
ما عاد تمحى في خفوقي مقيمه=
أشيلها بالجوف لا وين ما أروح=
أعوام راحت والنوايا سليمه=
راحت علينا يابعد كل مملوح=
أقفت بحلم العمر والعمر قيمه=
ما نال من حلمٍ(ن)تمناه مصلوح=
ضاع الأمل مابين خل ونديمه=
ما باقي إلا ذكرياتٍ(ن)من البوح=
واللي بقي من عمر مابه عزيمه=
جرح الهوى لا زال بالقلب مفتوح=
ذئب الأمل من يأس ذب الخريمه=
وذئب البعاد يزود المبتلي نوح=
يالله لا تكسر قلوبٍ(ن)كريمه=
هون علينا هم الأيام وجروح=
يامشفيٍ(ن)لأيوب مما يظيمه=
ويامنقذٍ(ن)يونس ويامنقذٍ(ن)نوح=
يارب ترحم للنفوس الرحيمه=
ياعالمٍ(ن)باللي كتبته على اللوح=
أي والله أذكر ذكرياتٍ(ن)قديمه=
نقشتها بالروح ياأغلى من الروح=