البارحة ليلي كما قيل ليله=عن الف ليلة يابعد كل عمري
زاحت عن الكاهل همومٍ ثقيله=ساعة تجلى في سما الجو بدري
سرت بي الأحلام صوب الخليله=اللي لها بالروح حشمة وقدري
الجادل اللي مالها من بديله=في نبض قلبي حبها دم يجري
مهرة لفارسها جموحٍ(ن)أصيله=الضامر اللي تهصر القلب هصري
فديتها روحي عليها قليله=غرامها ما ينطفي جوف صدري
فديتها بنت الشرف والقبيله=ذات الأدب والذوق في ثوب عصري
أبرت لروحٍ(ن)من هواها عليله=داوت جروح الشوق قدام لسري
يا حلوها من سهرةٍ(ن)وتعليله=مع فاتنة قلبي وروحي وفكري
وهايبك يابعد كلي جزيله=ياملهمة عذب القصايد بشعري
الله يقدرني لكسب الجميله=وارد لك بالطيب طيبٍ(ن)وعذري
غلاك غاية والتواصل وسيله=يامالكة للقلب من قبل مدري
لا تقطعين الوصل قلبي ياويله=لو قل وصلك ياغلا قل صبري
أشتاق لك في كل يومٍ(ن)وليله=أنتي غرام الروح يابعد عمري

المشاركة الأصلية كتبت بواسطة نور الدنيا (المشاركة 162599) أبدااع نثرٌ هنآ ونزفَ سُطر بكٌل أختراقَ وجمال نزفَ قلبكَ وفاضَ باجمل مالدِيه آهنئٌك مِن كٌل قلبي علىَ هذا الابداعَ وهَذا الجمَال واسْجل اعَجابي هناَ وَدي وشَذى الوردَ :wggwg::wggwg::wggwg:

المشاركة الأصلية كتبت بواسطة صادق الوعد (المشاركة 162605) صح لسانك واعتلا شانك رائعة من روائعك المتكررة

المشاركة الأصلية كتبت بواسطة البدوي (المشاركة 162609) صح لسانك مليون ولا يكفون قصيدة تستحق الاشادة

المشاركة الأصلية كتبت بواسطة المشاغب (المشاركة 162613) صح لسانك شاعر ما فيك حيلة

المشاركة الأصلية كتبت بواسطة القنـــــاص (المشاركة 162615) صح لسانك يا مبدع القوافي خالص التحية

المشاركة الأصلية كتبت بواسطة ندى القوافي (المشاركة 162618) ربي يسعد ايامك ولياليك وصح لسانك شاعرنا الراقي

المشاركة الأصلية كتبت بواسطة ملك القلوب (المشاركة 162635) صح لسانك يا شيخ الشعر والشعراء تقبل مروري

المشاركة الأصلية كتبت بواسطة أسد العرب (المشاركة 162637) ياسلام ياسلام ابداع غير مستغرب من اهله