تذكر حبيبي زمانٍ(ن)فات يوم إن الهوى غض=كنا نتسامر من المغرب وحتى طلعة الشمس
القلب مشتاق لك والعين تطرد حالي الغمض=والعقل مشغول بك ملحوس بك ياعاشقي لحس
شريت حبك بكاش الروح لا قسطٍ(ن)ولا قرض=والقلب من زود شوقه مثل بن بصاج محموس
كنت أذكرك في صلاتي وأذكرك في سنة وفرض=وليا سألتك تقول إني بقلبك شاغل النفس
أيام كانت شغاف قاوبنا بالشوق تكتض=كنا نتسابق على عذب الكلام وحالي الهمـس
واليوم يمضي سبوع وما نشدنا بعضنا بعص=مدري وش اللي مغير حالنا يا داعج النعس
ما صار شوق الهوى بقلوبنا يرفع بها النبض=مدري مرض صابها وإلا تبلد ما بها حس
حسبي على حظي اللي بعدك عني من الأرض=حالت مسافاتها بيني وبينك والزمن عكس
يا ليتها تنطوي طي الورق وأكيد للحظ=أجيك وإلا تجيني نهتني بالشوف واللمس
ما كان كفي هلكته يا بعد عمري من العض=من حر مابي سنين أصفق كفوفي خمسي بخمس
من حرقتي كن كفي قابضٍ(ن)جمر الغضا قبض=بالصدر ضيقة وريقي ناشفة بالحنجرة يبس
ورد الليالي يبس محصولنا تال العمر حمض=تغير الطعم والريحة بعد ما بُدل الغرس
تبدل الحال عفنا حظنا بالطول والعرض=ما باقي إلا مواجيع الهوى في وقتي النحس
تبدد الحلم وأحلى ما بقي من عمري إنفض=ما باقي إلا صحايف ذكريات بقاعة الدرس
البال مشغول والخافق من أوجاع الزمن جض=من عقب حظي غمسني بالبعد يا غايتي غمس
كن الجبل فوق صدري هزه الزلزال وإنقض=مدري مثل من حبس مظلوم وأبطى داخل الحبس
ما عاد لي غير ونة كل ما طيفك لنا نض=هي مكسبي من زماني والهوى ما شابها لبس
ماني بناسي زمانٍ(ن)فات يوم إن الهوى غض=كنا نتسامر من المغرب وحتى طلعة الشمس