الوقت جاله بالمخاليق عوان=وهذى على الأجــواد والله مصيبة
وإن كان ماداويتها ياسليمان=ماأنتــه بلاقــي من بعـدها خطيبه
البيت ما يبنى على غير عمدان=والعود الأعوج مثلكم ما يجي به
ترى الأمور ابها هزيلات وسمان=وبيت بلا سيسان يصبح زريبة
خل العلوم الها معايير واوزان=ومن لا يحسب للنقــد ابتلي به
الطيب والمعروف مكسب للانسان=وليارحل يبقى مع الوقت طيبه
ومن حاد عنها بأخر الوقت خسران=حتى ولو زانت ليالــي قريبة
لا تترك العذرى تعرف بالأخدان=.كل(ن) يباهــــا لليــــالي صحيبة
شفت الأعاجم جالهم راي ولسان=صاروا يشيلون العلم للكتيبة
اللّي من أول ما يوالون دخان=صـاروا يعرفــون الهــــدف والضريبة
ترى الجدار الها مناظير وآذان=وبعض الشـرر يصبـــح وقايد لهيبة
والله محني الراس لو كان ما كان=أنا عتيبـــي(ن)وربعــي عتيبــة
نرغب عزاز الجدر ونعز بنيان=والرمـــز يفهـم بالقلــــوب اللبيبــة
واجزع ليا منه تحطم بالأركان=وانهار من ساسه وصارت غليبة
ونشره على مثلك ليا صار نقصان=وإن جات من غيرك فلا هي غريبة
الرجل ما عيبه يقع نقص الأيمان=وما دون ذا ماهي أمور معيبة

المشاركة الأصلية كتبت بواسطة عذبة الالحان (المشاركة 20271) صح لسانك النجم روعه القصيده كلها فخر واعتزاز كروعة وثقة صاحبها لاعدمنا ابداعك

المشاركة الأصلية كتبت بواسطة المستشــار (المشاركة 20294) صح لسانك وعلا شانك قصيدة رائعة سلمت على هذا الابداع لك كل التقدير

المشاركة الأصلية كتبت بواسطة الــزعــيــم (المشاركة 21333) صح الله السااااااانك وبيض الله وجهك لك خالص التحية