شعوب العرب جميعها لعبة استعمار=يحرك دميها مثل ما يلعب الشطرنج
مرتب سياساته مع الأمن والأُمار=وحنا سياستنا مشلا كثير الهرج
كبار المدايح والفعال رمادة نار=دلايل شجاعتنا على الذل ما نحتج
نصارع بعضنا عمرنا ما رفعنا عار=ونكذب ونكذب لين صار الكذب منهج
زعامتنا ثلثينهم للكذب تجار=صغار العقول ولا يملون كثر العلج
ومنهو مكذبني دليلي ترى بشار=وغيره كثير يحج في غير وقت الحج
تحول أسد دمشق تال الزمان ....=على ظهره الأشياع ركبوا وشدوا خرج
قناوات مشبوهة تمون من الكبَار=ومنهو تولى بثها للأمانة سمج
أفاعي تبث لسمها في جسد منهار=مع الغرب للتغريب مدموج فكره دمج
يحادون للإسلام ويوالوا الكفار=ورب البشر يسمع ويبصر لهرج ومرج
على الله ما به حيلةٍ(ن)معشر الفجار=لكن العقول مغيبة والمذلة بنج
حكومات صورية ولا تملك القرار=كما الخيلة اللي فوقها واضعين السرج
ليا أوما عليها السوط قامت تثير غبار=بميدانها المرسوم وضلوعها ترتج
حسافة علينا كلنا والكبار صغار=مشلا نثير العج و وجيهنا للعج
من الشرق للمغرب سوا بيعة السمسار=نعين العدا والعز منا تبرا هج
رفعنا على كل القمم راية التذكار=لماضي مضى قدام نلبس ثياب الغنج
عسى الله يعوضنا وماهو كتب قد صار=تبا تقعد الحالة كما السائل المندج
لكن بقطع السيرة وابقصر المشوار=بقفل على باقي عيوب العرب بالدرج
ما دام الشعوب أشتات بتابع الأخبار=وقلبي على قومي حنينه سواة الخلج
شعوب العرب جميعنا لعبة استعمار=يحرك دمينا مثل ما يلعب الشطرنج