رسام تقدر تساعدني وترشدنـــــــــي=كيف القلم ريشته ترسم سعادتــــــــها
ارجوك حاول ولو تقدر تساعدنــــــي=خذ مني اوصافها واشرح علامتــــها
صوّر ولكن على الصوره تعاهدنــــي=ما يختلف شكلها عن رسم لوحتـــــها
للزين في خافقي صوره وفي ذهنـــي=فاقت خيالي واحاسيسي بصورتـــــها
ملاك في حسنها والصوت يطربنـــــي=رقه وذوق وادب من فوق شيمتــــها
سلامها ورد باغصانه تصابحــــــــني=وبالليل تمطر عذوبي من سحابتـــــها
القلب يسأل عن الغالي وينشدنــــــــي=من كثر شوقه يعاني طول غيبتـــــها
الحب من قلبها بالحيل يسعدنـــــــــي=لاصابها الوجد غارت من رفاقـتــــها
قربه سعاده وبعده حيل يتعبـــــــــني=يالله عسى الساق تطويلي مسافتــــها
امزح معاها تقلي لا تخوفــــــــــــــني=وابعد عن المزح تبديلي لقافــتــــــها
بالحرف تقدر تقرّبني وتبعدنـــــــــــي=سحر القوافي تبين لي فراستـــــــــها
اجر صوتي فتطرب لي وتسمعــــــني=وان غرّدت راح فكري في ونا ستـــها
ان فرّقتني سنين الياس تجمعــــــــني=وان لملمتني بحور الشوق ضمتـــــها
اوصف ولكن لساني ما يطاوعنــــــي=لكن ابوصف لكم شي من اناقتـــــــها
ابو جديل ٍ سواد الليل له يعــــــــــني=والبدر كنـّه يتيم ٍ وسط خدّتـــــــــــها
العين لا سلهمت بالرمش تذبحــــــني=والطرف يبدي جمال وفن غمزتـــــها
الحسن خلا وحوش الحزن تـنـتـفـــني=والخيزرانه تغازل طول قامتــــــــــها
العنق طوله مع اللفته يذوبـــــــــــني=مابين هزة جدايلها ولفتـــــــتــــــــها
الصدر وقـّـف دخيلك لا تولعنـــــــــي=مكتوب فوقه خصوصي باستمارتــها
ملموم داخل حريره لأجل يلهبـــــــني=ومطرز(ن) من خفيف الشال بابرتهـا
والخصر يا ويل ويلي واااااو يجذبني=خاتم ملوك(ن) وفصـّه بانقسامتــــها
اما بواقي حلاها سوط يضربنــــــــي=احلى دقايق عيوني فيه عاشتـــــــها
لو فكرت تبتعد عني وتهجرنـــــــــي=ماضن في يوم يبرى جرح علتــــها