يامرحبا عد مالبوا حجيج القرين= وعداد ماغرد البلبل بغصن(ن) ندي


نويت فالعيد اضحي لي بكبش(ن)سمين= مادام سكينته محدودة(ن) في يدي

سلام تسبق هلا ياحاسب المحرمين=لكن بعص السوالف غرها المبتدي
جرحت حجي لكن الله عليكم يعين=وجب علي الفدي يجزيه دم الجدي

رحبت في ماقفي يابو قليب (ن)فطين= واللي يرحب مااقول انه بخيل (ن)ردي

دام انتقض حجكم لاتفرح الشامتين= مثواك عانه فا الابطح لو تعدي عدي

في ماقفك لا تخالف سنة المسلمين=وأنا على حسب ظني خابرك مقتدي
الحج نجبره والله عون للمتقين=أعدي وأعدي ولاني لازم المقعدي

هذي عوايد جدودك يافتى من سنين= ماجبت بدعه ولاني ياولد محتدي

اظنك انته من اتباع الحسن والحسين= لكن راجع فتاوي شيخنا المسندي

يا راعي الصدق ما تسبق يسار ليمين=وإن كان هذا حصل يا صاحبي منقدي
في كل الأحوال خابر صاحبي ما يلين=وإن غرتك وحده ياذيب لا تجحدي

انته مع القوم ذابحك الوله والحنين= اجهدت فكرك وجسمك باالوله مجهدي
ماغرني شي من علم الرجال الثمين= فاهم لمقصدك وانته فاهم لمقصدي

أنا مع القوم جامع بين دنيا ودين=حاوي علوم الشكالة ماني بملحدي
يا راعي اللقمة اللي ناشبة بالبطين=يا شينها من حياة مخرع ملبدي