يالله يارب البشر والسموات=تلطف بحالي صار فيه انتكاسا
حلت بقلبي من زماني ملمات=عقب غياب اللي لها الروح تأسا
غابت ولا أدري وين راحت ولا جات=غيبة طويلة طولها ما يقاسا
بحثت عنها في جميع المجرات=أتعبت للكهان وأتعبت ناسا
أحس في قلبي خلل وإضطرابات=من كثر ما عانا هواها وقاسا
موجوع قلبي من هواها ولا أبات=عيني جفاها نومها والنعاسا
ما عاد أحس بطعم كل الملذات=شارد ذهن ما كن بالكون ناسا
أجامل الحيين وبحس الأموات=ما عاد فيني للمراجل حماسا
عفت العذارى بعدها والجميلات=عفت القصور وعفت جوهر وماسا
من حبها أغلط ببعض الصلوات=يلعب بفكري من هواها خناسا
نافست قيس بعصر فيه اتصالات=لو كانت بوقته تواصل وباسا
لكن أنا يا حسرتي من متاهات=ضيعت فيها حكمتي والمراسا
كانت قريب ورحت عنها مسافات=ما كنت أظن الحال فيه انعكاسا
أدري حسافة ما حسبت الاحتمالات=اللي بسببها خافقي ما تناسا
حظي غدربي لين راحت من سكات=يا شين حظٍ(ن)لن تعثر وخاسا
يالله يارب البشر والسموات=تلطف بحالي صار فيه انتكاسا

المشاركة الأصلية كتبت بواسطة عبير الشوق (المشاركة 172504) الله الله كل بيت يختصر قصيده طبت ايها القدير وطاب فالك تحية صباحية و مقعد أول تقديري

وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع

المشاركة الأصلية كتبت بواسطة ورود الريم (المشاركة 172511) دائما بين حروفك اجد روحا تخرج من الوجدان وشعور يخرج لنا بروعه البيان ولكم تمنيت ان لا تنتهى بى الكلمات فلا يسعنى غير قول الصمت فى حرم الجمال جمال فدمت بكل تميز وابداع