الدليل ..!!
 

الدليل
ــــــــــــــــــــــــــــــــــ




أضحكتني كلمتك : ويـن الدليـل
عن هواي اللـي تقـول وتدعـي

الدليل : الهم...والجسـم النحيـل
وارتعاش الصوت لا صرتي معـي

الدليل : الدمع من عينـي يسيـل
يوم هزيـت بوداعـك مسمعـي

الدليل: الجرح ... والصمت الطويل
بانتظـار انـك عليـا ترجـعـي

الدليـل أنـي ركبـت المستحيـل
لجل أغير فـي عيونـك موقعـي

يوم كل عـاش فـي فـيّ ظليـل
كنت أسافر وآخذ أحزانـي معـي

واعبر الدنيا كمـا عابـر سبيـل
شايل جرح الهوى فـي أضلعـي

أدري أن الوقت لو يعطـي بخيـل
بس أحاول ...يمكن أنسى موجعي

كل هذا ...وتسألي: ويـن الدليـل
عن هواي اللـي تقـول وتدعـي

أعتذر ...كلي أسف ..ما كو دليل
أقنعـي بالـحـب أو لا تقنـعـي




للرائع /// فهد عافت

رد: الدليل ..!!
 

مبدع القاف

الله يعطيك الف عافية على الطرح الجميل المميز

وصح السان الشاعر فهد ... وننتظر مزيد من الابداع يا مبدعنااا

لك تحيااااااااااااااااتي

صقر عتيبة

رد: الدليل ..!!
 

صقر عتيبة



تسلم يالغلا ,,, واكيد من يجد هالمتابعة والردود المثلجة للصدر بيبدع





تحيااااااااتي لك ولاننحرم تواجدك الرائع

رد: الدليل ..!!
 

صح لساااانك...ولسان شاعرها
تسلم يمينك
على القصيده الرائعه
والمفردات الجميله
يعطيك العافيه..
كل الود