ماهوبعيب امدح هل العز الاحـرار=واهل الوفى والمجد واهل الشهامـه
نسل الزعيم الي له الطيب تذكـار=الفارس الـي مامشـا بـالملامـه
عبد العزيز محكم الـراي واشـار=الـي بتخطيطـه وصـل لزعامـه
عبد العزيز الي ماهمـه فاالاخطـار=داس الخطر والله واكبـر كلامـه
عن واجبه ماجابله جملـت اعـذار=قدام يرجـع مهتنـا فـي منامـه
وصل الرياض الي مجود با الاسـوار=ونـزل وهَدمهـا وثـق احزامـه
ثم اعتزا شيهـان وسيـف بتـار=على خصيمه يوم وقـف امامـه
وقال الرياض العاصمه هى لنـا دار=هي دارنـا دار الوفـى والكرامـه
من هيبتـه عـدوه امامـه انهـار=ولاعاد فوق الراس لبس العمامـه
ونادا بصوتاً فا المخاليـق وجهـار=وكسر اصنام الشرك واهل الضلامه
غير الشريعه صاحب الحـق مختـار=اساس حكم العود وهيـه نظامـه
يدعي الى التوحيد اكبار واصغـار=من نجد يمشي ليـن حـول تهامـه
وكبر وهلل طيب الفال واغـار=وقال الحرم لابـد ندخـل مقامـه
واطاف با الكعبه وصلى والحتـار=وفرض على الي حاضرين احترامـه
وجوه القبايل كلهم جمـع وانفـاري=بايعونـه دون شـرط وغـرامـه
وحد مناطقها مـن يميـن ويسـار=حتى اصبحت جميعها باستلامـه
ثم استلمها بعده ارجـال وخيـار=سارو على نهجـه وعلمـه تمامـه
جاها سعودالي على منهجه سـار=صحيح من قال الجمل من سنامـه
ثم استلمها فيصـل بعقلـه القـار=حكيم راي وقرم وقـت القرامـه
تشهد الفعل الفيصلي كل الاقطـار=للحرب حرب وللمسالـم سلامـه
وخالد بعد فيصل على حسن ووقار=مشى طويل البـر والبحـر عامـه
في عهده المعهود جنـات وانهـار=الكل ياخذ ماشتهـا مـن طعامـه
خالد عسى خالد الجنات الابـرار=يـا الله يامعبـود ترحـم عظامـه
وفهد بعد خالد على عز واشعـار=والى الوطن والشعب كل اهتمامـه
اهتم با التعليم فـي كـل مسيـار=شرق الوطن غربه شمـالاً وشامـه
والماء عذب جابه من اعماق الابحار=جابه عوض عن بير تسعيـن قامـه
خلا الصحاري تصبح ازهور واثمار=فيها الورود الناعمـه والخزامـه
ودار صاينها عن النـاس الاشـرار=اصبح سماء الاشرار فوقه غمامـه
واليوم عبـدالله محنـك ومغـوار=من الرضى وجهه عليـه ابتسامـه
يستقبلك دايم على طيب ووقـار=عز البـلاد وللموطـن ارحامـه
ودون العروبه والعرب يعطي انذار=شامخ سوات الطويق كله فاخامـه
دايم يقول ان العرب دمهـا حـار=ومنهو نواهـم بشـروه بندامـه
وسلطان سلطانٍ مسلط بالافكار=عقله كما موجـاً قـوي التطامـه
حليم متواضـع شديـداً الياثـار=يلطم خشومـاً داخلتهـا عرامـه
ونايب الثاني لياسار ماسار = المجد نايف ماسكه مع اخطامه
صان الوطن عن كل عابث وقدار = انا اشهد ان الفعل نايف سنامه
واختامها نطلبـك يانافـع اضـار=يبقـون حكامـاً ليـوم القيامـه

الله الله

صح لسانك وبيض الله وجهك

وافية من راااااس وافي

تقبل تحياتي