طال ليلي انتظر جية غلاي=والمشاعر من خفوقي نازفه
مالفا حبي ولا جاب لدواي=ليتها بالشوق ماهي عارفه
ياغرامي يا هواي ويا مناي=علميني وضحي للسالفه
شنهو اللي مانعك وانت هواي=ليش مني يا حياتي خايفه
ليش من بعد المحبة يا هناي=تتركيني للهموم الجارفه
طاحت نجوم الأماني من سماي=مع مهب الريح وقت العاصفه
ما بقي لي غير حرقة من شقاي=بالخفوق اللي حمته الناحفه
كل ما ونيت رددها معاي=لج صوته بالعروق التالفه
لا ذكرتك يا هناي ويا عناي=والمشاعر بإنتظرك واقفه
كني المطعون من كايد عداي=طعنةٍ(ن)تشبه رجيف الراجفه
ودي بشوفتك ياشمعة مساي=لو لمحة للنظر بمصادفه
يمكن الله يكتب بشوفك شفاي=وأتخلص من حلومٍ(ن)زايفه
يا غرامي يا عساك ويا عساي=نجتمع ونبل ريقٍ(ن)ناشفه
منتظرك ما إنقطع منكِ(ي)رجاي=من سنين أنطرك وأنتِ(ي)شايفه
يشتعل فكري قصائد من سناي=لأجل روحي فيك بالله حالفه
العمر لو راح يفداك وفداي=يكفي المشتاق لمحة خاطفه
طال ليلي انتظر جية غلاي=والمشاعر من خفوقي نازفه