أمنتك الرحمن يا عز إنسان=كريم عنده ما تضيع الودايع
يحفظك ربي وين ما كنت رحمن=يعلم بما بقلوبنا من وجايع
قلبك وقلبي حده البين يا فلان=كثرت علينا بالزمان الفجايع
تبكي وأنا في داخلي مثل بركان=من حرقته خلا ضلوعي مزايع
أبكي على وقت مضى كان ماكان=يوم العيون تشوفكم وأنت رايع
وأبكي على غيبٍ(ن)ورا باق الأزمان=من خوف لا ياتي لنا بالقطايع
وأبكي على حظٍ(ن)رماني ولا زان=اليوم كني بعد فرقاك ضايع
ضاقت علي النفس والحال تعبان=بعد الفرح صارت حياتي جزايع
قسي علي الوقت من بعد ما لان=سود الليالي بعدت كل طايع
أعيش بعدك غربتي جوف الأوطان=وأعيش في غربتك والود لايع
بعد رحيلك عفت ذاتي وخلان=واللي شريته صار ذا لحين بايع
كلي بعد فرقاك مجموعة أحزان=والمقبلات من الليالي فضايع
العمر يجري والزمن ماله أمان=ياما تغير يالزمن من طبايع
ترجع لنا بالخير ياعز إنسان=أمنتك اللي ما يضيًع ودايع

ضاقت علي النفس والحـال تعبـان
بعد الفرح صارت حياتـي جزايـع
قسي علي الوقت من بعـد مـا لان
سود الليالـي بعـدت كـل طايـع
أعيش بعدك غربتي جوف الأوطـان
وأعيش في غربتـك والـود لايـع

شاعرنا المتآلق

ابن هليـل

كما عودتنا جزالة مطلقة

وتمكن متناهي


حروف تعانق الثريا

ومعان طرزت بالجمال