طمنيني عنك يا نبض الحياه=كيف حالك في صباحك ومساك
والله ان اسمك تردده الشفاه=والفؤاد اللي بصدري ما نساك
الهوى والشوق بالغ منتهاه=ما شغل قلبي من العالم سواك
يا ملاك القلب يا لذة هواه=قلبي الموجوع ما يترك هواك
ما يعرف القلب صبحه من مساه=ما شغله إلا جروحه من غلاك
كل شيءٍ(ن)بالعمر قلبي نساه=غير حبك لو في حبك هلاك
كل جرحٍ(ن)خافقي بعدك شكاه=يشكي الحرمان لكن ما شكاك
مير قلبي ما حصل له مبتغاه=حظه الحرمان من لحظة معاك
الزمان الشين بالغ في قساه=كل ما قربت يدفع بك وراك
لين قلبي احرقه ويله وأه=لا خلد بأرضك ولا طال لسماك
القدر حظي بلا رايي حداه=حظي المنحوس عن دربي حداك
طمنيني عنك يا نبض الحياه=كيف حالك في صباحك ومساك