كانت تسابق للمشاعر والأحلام=واليوم حتى الحلم تمنعه عني
تقول وضعي والزمن فارض أحكام=واضح من التعبير لا تمتحني
قلت:أبشري بي ياهوى حر ضرغام=إنسان لكن بالمواقيف جني
شامخ وراسي فوق ماني من أقزام=تقبل لذل المنقصة والتجني
أنا على نفسي حكمت لك بإعدام=والمعذرة لن جاك نقصان مني
قلبي على شأنك بدوسه بالأقدام=من شأن ترضا لا يشاغلك وني
يأغلى من العينين يا عذب الأنسام=روحي فداك وراحتي والتمني
لأجلك بذلت الروح من عدة أعوام=قلبي عليك بكل نبضة يحني
حن الخلوج ولا على حنه يلام=يقرع بصدري مثل قرقاع شني
راحت علينا يا غلا حلو الأيام=ما باقي الا ذكريات وتعنـي
الزين صار خلاف والشين قدام=ما جات لي دنياي بحساب ظني
كانت تسابق للمشاعر والأحلام=واليوم حتى الحلم تمنعه عني