يغار من زينك جميع الخراعيب
 

يغار من زينك جميع الخراعيب



الله عليها حين توقف قبالي = يفز قلبي ثم اسوق التراحيب


يامرحبا ترحيب غالي بغالي = يفوح منها ريحة المسك والطيب


ياتاج راسي شوفتك راس مالي = ارخص لعينك غاليات المطاليب


معاد يبقى للعذارى مجالي = هذا كلام الصدق مايلحقه ريب


ملكتي شعوري بحلو الخصالي = ومن كثر مااحبك اشوفك بلا عيب


اسلوب راقي مع جمال ودلالي = وبحضرتك يكسف سنى الشمس وتغيب


ريقك عسل والعنق عنق الغزالي = والخشم سلة سيف حلو التراكيب


والحاجب يشابه لقوس الهلالي = ونظرات عينك شفت منها الاعاجيب


لاشفت نظراتك سرحت بخيالي = واخذتني الافكار شرق(ن) وتغريب


ياكامله بالحسن لله الكمالي = يغار من زينك جميع الخراعيب




:wwgwg1::wwgwg1::wwgwg1::wwgwg1::wwgwg1:

رد: يغار من زينك جميع الخراعيب
 

صح نبضك واحساسك المرهف شاعرنا المبدع

رد: يغار من زينك جميع الخراعيب
 

صح لسانك قصيدة ممتازة يعطيك العافية

رد: يغار من زينك جميع الخراعيب
 

الله الله


صح لسااااااااااانك


احترامي

رد: يغار من زينك جميع الخراعيب
 

صح لسانك واعتلا شانك ابدعت لا هنت



تقبل التحية

رد: يغار من زينك جميع الخراعيب
 

صح لسانك واحساسك قصيدة عذبة يسلموووو

رد: يغار من زينك جميع الخراعيب
 

صح لساااااااااااااانك

:g64::g64::g64::g64::g64:

رد: يغار من زينك جميع الخراعيب
 

يعطيك العوافي وصح منطوقك خالص الود

رد: يغار من زينك جميع الخراعيب
 

صح لسانك للرضا


تقبل التحية

رد: يغار من زينك جميع الخراعيب