حنا البدو يابنت
 

جبت لكم قصيدة للشاعر طلال الرشيد لا احد يدري
:g144::g144::g144:


حنا ولا من قلت حنا تحنا
كل الكلام بعطر تاريخ الاجداد

المجد هم وهام فينا وغنا
حتى علينا من على روس الاشهاد

يا كبر حظ الي نخانا و ثنا
نشد له فوق الفخر سرج وشداد

ان هلل التاريخ غطرف وطنا
وان سولفو عنا رجاجيل واجواد

وان بان لك شمس ترى ذيك حنا
نشرق مدام الظلم ظلما وحساد

يا بنت يمي كان رمشك تمنا
اشق لك ثوب السماء جود وعناد

واشدلك زمل جفن المعنا
واسري بوجهك لاغشى وجهي سهاد

يا حلو قدك يوم قدك تثنا
محدا تغنى فيك من خوف الالحاد

حنا البدو يابنت هذا لحنا
نحبك اكثر لاغدى حبك جهاد

وحنا البدو يا بنت لامن نخنا
بناتنا يثالث العيد الاعياد

وحنا البدو يابنت وان قلت حنا
فاح الكلام بعطر تاريخ الاجداد

رد: حنا البدو يابنت
 

احسنت بالاختيار اخوي غليص وهذي القصيدة بصوت الشاعر رحمه الله

https://www.youtube.com/watch?v=3QA764JB9r0

رد: حنا البدو يابنت
 

قصيدة اصيلة ما قصرت يا غليص

رد: حنا البدو يابنت
 

اخواني اغليص والسنافي
سلمتم و دام منكم العطاء وصح لسان الشاعر

رد: حنا البدو يابنت
 

وفيت وكفيت يازين ما دنيت صح لسانك

رد: حنا البدو يابنت
 

قصيدة رايعه


يعطيك العافيه

رد: حنا البدو يابنت
 

والنعم بالبدو اصل العرب

اختيار جميل

تقديري

رد: حنا البدو يابنت
 

اختيار راقي كلمات شاعر متمكن رحمه الله

شكرا لك غليص