لا تعتذر العذر ماهو بمقبول=الفعل واضح ما تفيد المعاذير
صدك وهجرك شيء مهو بمعقول=وأنت الذي أحسبك يا فاتني غير
ساعة لقيتك قلت هذا على طول=بقضي بقايا العمر معه على خير
كل المحاسن فيك والطرف مكحول=مافيه مثلك بين كل الغنادير
ملكتك الأعماق والشوق مرسول=طهرت لك قلبي من الشك تطهير
قدمت لك قلبي على الكف محمول=من فرحته يرقص مثل رقصة الطير
صدقتك بكل الذي كنت لي تقول=شلت الحواجز بيننا والمحاذير
عيشتني في حلم يا حول ياحول=ياما حلمت وعاندتنا المقادير
اليوم فكري من تصرفك مشلول=حيرتني وأضعت كل التدابير
اليأس صار بداخلي سيف مسلول=ما كني الا فوق جمر ومسامير
هل تعتقد من بعدها قول معسول=يشفي جروحي او تفيد التعابير
لا والذي سواك لا يمكن يزول=مافيه جرح يروح من غير تأثير
بعد الوفا بعد الصفا صرت مجهول=كنك سراب(ن)كل ما جيت بيغير
ما به شراب(ن)لو توهمته سيول=من يتبعه ما فيده الا المشاوير

مشكور عالى المرور والرد الوافي

لك

تحيتي

بارك الله فيك


لك

تحيتي

مشكور على الرد العذب


من ذوقك

لك

تحيتي